Hollywooden aurrean babesa mantentzeko eskatu dio ikus-entzunezkoen sektoreak EBri

  • Salbuespen kulturala AEBekin hitzarmen komertziala adosteko negoziazioetatik kanpo uzteko eskatu diote ikus-entzunezko sektoreko ordezkariek Durao Barruso Europako Batzordeko presidenteari. 6.000 profesionalek sinatutako oharra zabaldu zuten astelehenean. Horien artean dira Ken Loach eta Bernardo Bertolucci.


2013ko ekainaren 12an - 00:00
Azken eguneraketa: 2014-03-25 09:12:03
Costa Gavras zuzendari greziarra (Argazkia: unifrance.com)

Costa Gavras eta Cristian Mungiu zine zuzendariak buru dituen ordezkaritzak Europako ikus-entzunezkoen industriak “babes berezia” behar duela uste du. “Hollywoodeko superprodukzioen konpetentziak suntsituko du bestela.”

1993tik indarrean dagoen salbuespen kulturarekin ikus-entzunezko produktuok babesteko neurriak har ditzakete Europar Batasuneko (EB) estatuek. Hartara, baimendua dago zerga batzuk barkatzea, merkatu kuotak ezartzea eta produkzioa sustatzeko diru laguntzak ematea.

Hilabete bukaeran Irlanda iparraldean egingo den G-8ko bilkuran hasiko da AEBen eta Europar Batasunaren arteko negoziazioa. Ostiralean EBko 27 estatutako merkataritza ministroek baimendu behar dute negoziazioa eta mugak zein lehentasunak bilduko dituen dokumentua osatu.

Frantziako ordezkariak adierazi du ez duela dokumentua onartuko salbuespen kulturala negozia ezina dela zehazten ez badu. Ikus-entzunezkoak ez ezik kultur ekoizpenaren alor guztiak babestu beharko lituzkela adierazi dute beste zenbait herrialdetako ordezkariek, Barrosori bidalitako gutunaren bidez.


Kanal honetatik interesatuko zaizu: Zinema
Plano aldaketa azkar asko dituzten marrazki bizidunen eragin negatiboa aztertu dute

Denbora laburrean plano aldaketa asko dituzten marrazki bizidunek, alegia erritmo azkarreko hiperestimulazio audiobisualak eragin negatiboa du umeen arretan, hainbat ariketa mental egiteko gaitasunean eta autoerregulatzeko ahalmenean, ikerketa batek ondorioztatu duenez.


Bisexualitatea euskal kulturan aztarrikatzen

Zinegoak, Bilboko LGTBIQ+ 21. nazioarteko zinema eta arte eszenikoen jaialdia, ekainaren 24tik uztailaren 1era egingo da. Jaialdiaren barruan, bigarren urtez, Bizi Bisexualitatea proiektuak bere tokia izango du. Egitasmo horrek bisexualitatea eta euskal kultura uztartzen ditu... [+]


Jesús Carrera, frankistek torturatu eta fusilaturiko buruzagi komunistaren bizitza pantailara

Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]


'Bi arnas' proiektuaren ziklo amaiera ospatu dute
“Torturak ama eta alabarengan sorturiko zauria arintzen lagundu du dokumentalak”

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


Eguneraketa berriak daude