ARGIA.eus

Bultza kazetaritza independentea
Bi antimilitaristaren aurkako epaiketa

Hiru urteko espetxe zigor eskaera mantendu du fiskaltzak

  • KEM taldeko bi antimilitarista epaitu dituzte 2021ean Bilboko Irala auzoko kuartel militarra eraisteko parodia egiteagatik. Kalteak egitea leporatzen diete: fiskaltzak hiru urteko espetxe zigorra eta 9.000 euroko isuna eskatu zituen, eta hala mantendu du epaiketan. Akusatuek absoluzioa eskatu dute, eta antimilitaristek parodia berria egin dute Epaitegiaren aurrean

Hiru urteko zigorra ezarri nahi diete bi antimilitaristari. / Argazkia: KEM
ARGIA
@argia

2023ko urtarrilaren 24a - 15:23
Azken eguneraketa:2023-01-25 16:58:55

KEM Bilboko talde antimilitaristako bi ekintzaile epaitu dituzte Bilbon asteartean, Irala auzoko Espainiako Armadaren kuartel militarra "auzotarrei itzultzeko" exijitzeko egindako ekintza sinbolikoagatik. 2021eko abenduaren 18an ekintzaileek Juan de Garay kaleko kuarteleko sarreran parodia egin zuten: bi kide harresira igo ziren, eta beste bik kanpoaldetik horma erausten zutela irudikatu zuten, mailuz hainbat kolpe emanez. Ertzaintzak ekintzaileak identifikatu zituen, eta kalteak egitea leporatu.

Militarrek 800 euroko kalte ordainak eskatu zizkion KEM taldeari, eta eskatutakoa ordaindu zuen eragile antimilitaristak. Asteartean egin den epaiketa hasi baina ordu laurden lehenago militarren ordezkaritzak jakinarazi du ez zela akusazio zibil moduan aurkeztuko. Fiskaltzak, ordea, ekintzaile bakoitzarentzat hamazortzi hilabeteko espetxe zigorra eta 4.500 euroko isun eskaera egin du, eta hala mantendu du epaiketan.

Defentsak absoluzioa eskatu du argudiatuz kalteak ordainduta daudela, eta gainera, "zilegi" dela kuartela desegiteko eskatzea, ez duelako funtzio errealik betetzen. Aste bat edo bitan epaia ezagutzea espero dute Gorka Iturrino Gorostiaga eta Eneko Elorriaga Astigarraga auzipetuek. 

48.800 milioi euroko gastua

Eraikina eraisteko parodia Bota kuartela kanpainaren barruan egin zuten antimilitaristek. Espainiako Armadaren esku dauden 6.500 metro koadroak "hiriko pertsonen bizi baldintzak hobetuko dituen erabilerara" bideratzea exijitzen dute, eta berdina egitea gastu militarrarekin ere. 2021ko abendu hartan 43.000 milioi euroko gastuak salatu zituzten, eta epaiketaren egunera bitartean gastua 48.800 milioi eurotara igo dela ohartarazi dute. 

Bi auzipetuei babesa adierazteko elkarretaratzea egin dute Bilboko zigor arloko 5 zenbakiko auzitegiaren aurrean, eta "kuartela botatzen" jarraituko dutela aldarrikatu dute.


Antimilitarismoa kanaletik interesatuko zaizu...
2023-01-13 | Axier Lopez
Hiru urteko espetxe zigorra ezarri nahi diete Bilboko bi antimilitaristari gastu militarraren aurkako protesta batengatik

Urtarrilaren 24an KEMeko bi antimilitarista epaituko dituzte Bilboko auzitegian, 2021eko abenduan Juan de Garay kaleko kuartel militarra gastu militarraren aurkako eta kuarteleko lurrak Iralako auzotarrentzat izan daitezen eskatzeko protesta eta parodia batengatik.


Gutxienez 1.300 lagun atxilotu ditu Errusiak, gerrarako mobilizazio deiaren aurkako protestetan

Errusiako berrogei bat herritan egin dituzte manifestazioak Errusiako presidenteak "aberria babesteko" 300.000 erreserbista mobilizatzeko luzatu aginduaren aurka. Gatazka geopolitiko horri loturik, EB Europako Batasunak iragarri du Errusiaren kontrako zigor gehiago... [+]


Bego Oleaga Erdoiza eta Antonio Escalante Ruiz, Antimilitaristak:
“Haize-kontra ari gara, baina haizeak norabidea aldatzen du”

Garai erabakigarriak dira akaso antimilitarismoarentzako, Euskal Herrian zein munduan. Mugimenduak galdua du hamarkada batzuk atzerago izan zuen indar handia eta, aldiz, biderkatzen ari dira diskurtso, gatazka zein aurrekontu militarrak, eskuinean zein ezkerraren barnean, gerra... [+]


SAPA eta Aperribay familia
Armagintzaren negozio iluna argitara

Zergatik sartzen da harri-harrobien sektoreari lotutako Aperribay familia armagintzaren industrian? Nola lortu du ordutik SAPAren moduko enpresa txiki batek bizirautea handien esparru den sektorean? Zein babes izan ditu erakundeetan edo alderdietan? Zeintzuk dira armagintzaren... [+]


ANALISIA | Gasteizkoak talde antimilitarista
Aperribaytarren SAPA industria militarrean: muskulua... edo anabolizatzaileak?

Armagintzan aritzen den SAPA Taldeak 2020ko memorian jaso zuenez, “2021ean gastuen murrizketa- edo euste-planarekin jarraituko da, enpresa, oro har, lehiakorragoa izan dadin, eta, zorpetzea gutxitzearekin batera, enpresaren ondarea kontsolidatuko da”. 2021eko... [+]


Eguneraketa berriak daude