Hiru egunetan 12.000 kurrilo pasatu dira Organbidexka gainetik udazkeneko migrazioan

  • Udatik hona milaka dira Europako Iparraldetik Afrikarantz Pirinioak zeharkatzen dituzten hegaztiak. Euskal Herriko pasabidean bi behatoki berezitan zenbatzen dituzte urtero legez: Organbidexkan eta Lindusen. Aste hau 'pase' handikoa izan dela diote bietatik albisteak zabaltzen dituzten boluntarioek.

Pello Zubiria Kamino @pellozubiria
2018ko urriaren 26a
Kurriloak Organbidexka gainean egunotan. (Argazkia: LPO Migrazioen Akitaniako Behatokia)

LPO Migrazioaren Akitaniako Behatokia arduratzen da Zuberoa eta Nafarroa artean Irati ondoan den Organbidexka gaineko behaketaz. Organbidexkako behatokia borroka eta lan askoren emaitza da, Organbidexka Col Libre elkarteak 1982an lortu zuen ehiztariek hartuta zeuzkaten mendi guztien artean lepo hori alokatu, bertan ehiza galarazi eta behatokitzat ezartzea.

Urriaren 24an behatzaileek zabaldu dute beren Facebookean: "Egun bikaina urriaren 23a Organbidexkako behatzaileentzako: usoak trumilka pasatu dira lepo gainetik, 37 901 hegazti zenbatu ditugu, horien artean eten gabeko pasean joan diren 17 000 inguru uso!".

Aurreko egunak ez dira txarragoak zian, nonbait, bezperan jakinarazi zutenez: "Berriro Organbidexkako zerua hegazti migratzailezz bete da! Aurreko egunetan lainoek ikuspena mugatzen zuten arren lepoan, kurrilo eta usoen pase izugarriek asebete dituzte aste honetan behatzaileak. Urriaren 19tik aurrera kurriloak saldoka iritsi dira, hiru egunetan 12.000 ale kontatzeraino! Usoak ere dotore azaldu dira, orain arteko egun bereziena urriaren 21a izan delarik: 13.091 uso egun bakarrean (denetara orain arte 25.154 metatuz), aurreko bi urteetan denboraldi osoan pilatutakoak baino gehiago. Emozioz betetako astea izan dute Organbidexkako behatzaileek".

Iaz, 2017ko urriaren 24an, zikoina beltzak izan ziren protagonistak Organbidexkan, bideo honek erakusten duenez:

Euskal Piriniok bigarren behatoki aparta Lindus mendilerroan dago, Nafarroako Auritz, Orreaga eta Ibañeta inguruetan. Lindus 2 proiektuak bermatzen ditu hemengo behaketa lanak. Hemen urriaren 23an 85.000 usotik gora zenbatu zituzten eta 3.000 kurrilo baino gehiago.

 

Hala ere, hegaztien udazkeneko migrazioa udazkena baino askoz lehenagotik hasten da, uda betean. Uztailean, esaterako, Mendenbaldeko Pirinioetan 20.000 miru beltz baino gehiago ikusi zen inguruok zeharkatzen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Hegaztiak

Hegaztiak kanaletik interesatuko zaizu...
2019-02-18 | ARGIA
Beltxarga arruntaren azken agurra

Gipuzkoako basozainen elkarteak eman du albistearen berri eta bideoan erakutsi digu. Beltxarga arrunt bat hilda aurkitu dute eta haren ondora gerturatu da maitalea azken agurra ematera. Basozainek twiterrez adierazi dutenez, beltxargen artean osatutako bikoteak bietako bat hiltzen denean banatzen dira normalean.


Iberdrolak eta Jaurlaritzak hegaztien zaintzarako eginiko hitzarmena "atzeratua eta eskasegia" dela dio Eguzkik

Goi-tentsioko lineetan hildako hegaztien kopurua murriztu asmoz, datozen hiru urteetan 750 dorre erregulatzea adostu berri dute Iberdrolak eta Eusko Jaurlaritzak. Dorre gutxiegi direla eta duela hamar urte egin behar zela salatu du Eguzkik.


2019-01-09 | ARGIA
Oilagorrek bizirik irauteko aukera gutxiago dituzte Gipuzkoan Araban baino, ehiztarien presioagatik

Negua pasatzen Araban geratzen diren oilagorrek bizirik irauteko aukera handiagoak dauzkate Gipuzkoan egokitzen direnek baino, berrikitan bertako zientzialari batzuek demostratu dutenez. Hori hala da Gipuzkoan ehiztarien presio handiagoa jasaten dutelako, Foru Aldundiak gipuzkoarrei astearen zazpi egunetan baimentzen dielako oilagorrei tiro egitea.


2018-12-28 | ARGIA
25 ehiza dorre bota dira Euskal Herrian zehar

Abenduak 26 eta 27 arteko gauean Animalien Askapen Frontearen izenpean batzen diren hainbat taldek ehiztarien eraikinak erasotu dituzte Euskal Herrian. Ehizarako erabiltzen diren dorre eta postuak bota dira Ermuan, Eskoriatzan, Mendiolan, Pasaian, Garesen, Eunaten, Erreniagan, Peraltan, eta Kintoan. Guzira 25 dorre bota dira, eta oraindik postu gehiago suntsitu. Eraikin bat ere erasotu da.


2018-12-02
Bisiguak, saguzarrak eta hirustak karta-joko bihurtuta

Lehoiak, gameluak, kakatuak eta marrazoak protagonista dituzten karta-jokoen ordez, azkonarra, muskerra, kilkerra, izokina... ageri diren kartekin jolastu ahal izango bagenu? Sabana eta oihan tropikaletako izakien ordez gure inguruko padura, ibai eta parkeetako animalia eta landareak bagenitu kartetan? Pentsatu eta egin: jolastuz, bertako espezieak eta ekosistemak barneratzeko aukera ederra dira Hondarribian atera dituzten kartak.


Eguzkik salatu du babestutako hegaztiak tiroz botatzen jarraitzen dutela, zigorrik gabe

Eguzkik salatu du legez babestutako hegaztiak tiroz botatzen jarraitzen dutela eta botatzen dituztenentzako zigorrik ez dagoela. Ezagutu dugun azken biktima mendizale batzuek Ezkurra partean aurkitu eta ekarri ziguten honako gabirai hau da (Accipiter nisus). Begi-bistan zegoen tiroz botatakoa zela, baina Igeldoko Arrano Etxean konfirmatu egin zuten, erradiografia bate gin ondoren.


Eguneraketa berriak daude