Hezkuntza sistema salatzea ez da zilegi Tolosan, eta 22 zigortu dituzte

  • Hezkuntza sistemaz eztabaidatu nahi izana albora utziz, Orixe ikastetxeak bost ikasle kaleratu ditu hiru egunez, zuzendaritzak prestatutako dokumentua ez sinatzeagatik.

Gorka Peņagarikano @gorkap34
2019ko urtarrilaren 28a
Argazkia: @tolosaldeako

Tolosaldean eta ikasle mugimenduan bolo-bolo dabilen gaia da Tolosako Orixe ikastetxean azken bi asteotan gertatutakoa. Batxilergoko ikasle autodefentsa sareak Tolosaldean, Aiaraldean eta Sakanan sortu zituztela jakinarazi zuten egun berean, Orixe ikastetxeko zenbait kidek hezkuntza sistema oro har eta ikastetxeko ebaluazio irizpideak batik bat “bidegabeak” direla salatu zuten urtarrilaren 14an eginiko prentsaurrekoan. Lehiakortasunera bideratutako sistema dela esan zuten, non gustuko ez dituzten irakasgaiak ere ikasarazten zaizkien eta zerotik hamarrerako eskalan ezartzen zaizkien notek nahi dituzten ikasketak burutu eta etorkizunean arlo horretan lan egitea baldintzatzen diela azpimarratu zuten. Bestalde, Orixe ikastetxean ikasgai batzuk “presaz” lantzen direla adierazi zuten.

Prentsaurrekoa bideoz grabatu eta zabaldu zutela adierazi digu bertako ikasle Liherrek, ahalik eta ikasle gehienengana iristeko. Bertan, indarrean diren ebaluazio irizpideak aldatu nahi dituzten azaldu zuten. Tolosaldeko Autodefentsa Sarearen (TAS) izenean, YouTube plataformaren bitartez sareratu zuten bideoa. Berriki zentsuratu dute guraso batek hala eskatuta, bere seme-alaba adingabea bertan azaltzen delako.

Bideoa publiko egin eta bi egunera sortu zen zalaparta: irakasle batek klasean proiektatu zuen bideoa, salatzen zutena gezurtatu eta prentsaurrekoan agertzen zirenen jarrera gaitzetsiz. “Ikasle horien aurkako salaketa jarriko zuela esan zuen”, dio Liherrek. Zuzendaritza irakasle guztiekin bildu zen, gaia jorratzeko. Liherrek adierazi duenez, hasiera batean irakasleak ikasleen “alde” egon arren, bilera horren ondoren “aurkako jarrera” hartu zuten. Ondorioz zuzendaritza eta salaketa jartzeaz mehatxatu zituen irakaslea prentsaurrekoa egin zuten ikasleekin bildu ziren. Aurrerago gurasoekin hitzartuko zela esan zuen zuzendaritzak.

“Hau ala ezer ez”

Gurasoek, zuzendaritzak eta ikasleek bilera egin ondoren, ikastetxearen araudian oinarrituz, zuzendaritzak zigorrak aplikatuko zituela jakinarazi zuen. Prentsaurrekoa egiteagatik klase egun bat liburutegian pasa behar zuten, ikastetxearen araudiak eskema moduan laburtu eta liburutegian murala egiteko. Horrez gain, araudian oinarritutako txostena sinatu behar zuten, barkamena eskatu eta errepikatuko ez zela zioena. Pasa den ostegunerako egin behar zuten. Ikastetxearen jarrera salatzeko firma bilketari ekin zioten, eta 130 lagunen atxikimendua lortuta, negoziatu asmoz zuzendaritzara joan ziren: ezezkoa eman zien.

Prentsaurrekoan agertzen ziren 22 ikasle ziren kaltetuak. Horietatik 17k onartu eta bete zuten zigorra, baina beste bostek ez zuten txostena sinatu. Hauek hiru egunez kaleratuak izan dira, ostiraletik –urtarrilaren 25a– hasita. Liherrek adierazi duenez ez zekiten kaleratuko zituztela.

 

Zuzendaritzaren oharra

Tolosako Orixe ikastetxeak gertatutakoaren harira oharra zabaldu du. Ikas komunitate osoari zuzendu zaie. Horrelako aldarrikapenak eta eskaerak egiteko ikasleek euren foroak eta bideak dituztela dio zuzendaritzak, eta ikastetxeko ebaluazio irizpideei buruz emandako xehetasunak ez direla zuzenak. Komunikazio jarrerei, prozedurei eta betebeharrei buruz seme-alabekin “soseguz eta zentzuz” hitz egiteko eskatu die gurasoei.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ikasle mugimendua  |  Tolosa

Ikasle mugimendua kanaletik interesatuko zaizu...
2019-02-15 | Hala Bedi
Gasteizko Herri Unibertsitateko itxialdia debekatu du EHU-k

Gasteizko Errektoreordetzak eta Dekanotza taldeak Herri Unibertsitatean aurrera eraman ohi diren itxialdiak debekatu ditu. 1.700 sinadura bildu dituzte eta astelehenean mobilizazioa egingo dute debekua salatzeko.


Otsailaren 22an euskal langileria Tolosara!

Duela hilabete, Tolosaldeako Autodefensa Sareak (TAS) Tolosako Orixeko Institutuan ikasleen intereseko ebaluazio irizpideen aldeko borroka abiarazi zuen; historia zein euskarako irakasgaien ebaluazio metodologiari dagozkion zenbait irizpide aldatzea helburu duena. Denbora honetan zehar ordea, zuzendaritza zein irakasleen partetik mehatxu, zigor eta oztopoak jasan behar izan dituzte bertako ikasleek, dinamika hau martxan jartzearen ondorioz.


Ikasle autodefentsa sareak sortu dituzte batxilergoan, Aiaraldean, Tolosaldean eta Sakanan

Ebaluazio irizpideak bidegabeak direla salatu dituzte. Tolosaldekoa izango da sare zentrala.


2019-01-15 | Hala Bedi
'Alexia' plataforma birtualaren aurka erantzuteko deia egin dute Aiaraldeko ikasleek

Aiaraldeko Ikasle Autodefentsa Sareak Alexia izenarekin ezaguna den plataforma birtualaren aurkako lanketa hasiko du. Gurasoei “erosotasuna” sortzen dizkio programak, baina ikasleak “kontrol hutsera” mugatzen dituela uste dute.


Segurtasun zaintzaileak ez dira Leioako Campuseko fakultate bateko ikasleen gunearen parean gehiago egongo

Gizarte eta Komunikazio Zientzien fakultateko Dekanotzarekin adostasun batera iritsi da ikasle mugimendua. “Eraso bat gelditzea lortu dugu”, adierazi dute ikasleek gaur egindako prentsaurrekoan. Leioatik! ikasle proiektu komunikatiboak egin du jarraipena.


"Gure Leihoa" aldizkaria sortu du Leioako Ikasle Mugimenduak

Ikasleei hitza ematea helburu duen aldizkari autogestionatua sortu dute EHUren Leioako campusean. Salgai dago astelehenaz geroztik.


2018-11-19 | Axier Lopez
'Kolitza' eta Eneko Compainsen arteko buruz-burukoa
Kronika: Boltxebike eta mentxebikeak Zumaian

Martov eta Lenin ez dira euskaraz mintzo. 1903ko Errusiako Alderdi Sozialdemokrataren II. Kongresua ez zen Zumaian egin. Baina ringaren alde batetik [boltxebikeen] "langile-mugimenduaren abangoardia” batzeko alderdi komunistaren beharra, eta bestetik [mentxebikeen] “erreformazale moderatuek osatutako alderdi zabalaren” onuren defentsa entzuteak 100 urte atzera eraman digu gogoa.


Ikasle Abertzaleek 30 urte

Omenaldi eta aitortza eguna da 2018. urteko azaroaren 17a. Ikasle Abertzaleak antolakundeak 30 urte betetzen dituen eguna denez, batetik urteetan antolakunde honen parte izan diren belaunaldi guztietako milaka kideenganako aitortza eta omenaldi eguna da. Neurtzea ezinezkoa den urteetako lan eta konpromiso militanteari esker aurkitzen garelako gauden leku eta egoeran, eskerrik asko bihotz-bihotzez antolakunde honen parte eta babes izan zareten guztioi, zorionak zuei!


2018-11-14 | Hiruka .eus
Martxoaren 8an ikasle biri eraso zien irakaslea hilabetez zigortuko du EHUk

EHUk lana eta soldata kenduko dizkio, hilabete batez, joan den martxoaren 8an ikasle bi makilaz jo zituen Medikuntza Fakultateko irakasleari. Erasoa jasandako emakumezko biak greba feministaren mobilizazioetan parte hartzen zebiltzan.


Aizue! Eztabaida dezagun hezkuntzaz!

Nazkatua nago. Benetan nazkatua fake news politikaz. Aski da! Honek ez dio ezkerrekoa eta abertzalea den inori onik egiten. Nahi duzuen izenpean idatzi dezakezue (*Ezker Abertzaleaz ari naiz), baina, utzi ezazue kontrolatzen ez duzuen denarekiko gerra hau! Euskal Herriak, ez du behar ezker abertzale ahul bat, Euskal Herriak *ezker abertzale sendo bat behar du, eta horretarako bi gauza beharrezkoak dira. Alde batetik, ginena ez garela  behingoz onartzea eta barneratzea, eta bestetik,... [+]


Azkenak
EGILEA
Eguneraketa berriak daude