Bi aldeek atzo egindako bilera "desilusionagarria" izan zela esan du Uriartek, elkarrizketarako aukera oro zapuztu duelako. Bi aldeko negoziazioa "itxita" dagoen arren, parlamentuko taldeekin negoziatzen saiatuko direla esan du Uriartek.

"Werten erreformak ez du euskararen koofizialtasuna bermatzen"

Uriarteren hitzetan, Espainiako Gobernuak abian jarri nahi duen erreformak Jaurlaritzaren eskumenak urratzen ditu, eta ez du euskararen koofizialtasuna bermatzen. Pasa den astean egin zituen adierazpenok ETBko Azpimarra saioan. "Gaztelania eta euskara maila berean egotea bermatu behar dugu", adierazi zuen Jaurlaritzako Hezkuntza sailburuak: "Orain dugun hezkuntza sistemarekin ez da halakorik lortzen; hobetu beharra dago".