Herritarren Batasuna aldarrikatu zuen Eusko Ekintzako Gomezek Albertian

  • “Batasuna borrokan, herritar batasunaren garaia da” lelopean ekitaldi politikoa egin zuen Eusko Lurra Fundazioak iragan igandean, uztailak 3, Albertia mendian.


2016ko uztailaren 05an - 13:52
Eusko Lurra Fundazioak Albertian omendu zituen bertan hildako euskal milizianoak. (Arg: Eusko Lurra Fundazioa).

ANV-EAEk egin ohi du ekitaldia urtero azken 40 urteetan eta Espainiako Auzitegi Nazionalak alderdia legez kanpo jarri zuenetik fundazio horrek hartu du ekitaldiaren ardura. 1936ko azaro eta abenduan ANVko 300 milizianok galdu zuten bizia baso horietan, Francoren armadaren aurkako borrokan.

Aurten Amnistiaren aldeko eta Errepresioaren aurkako Mugimendua eta Askatasunaren Bidean erakundeko ordezkariak ere izan zituzten hizlarien artean, Eusko Lurra Fundazioak bidalitako oharrean zehazten denez.

Amnistiaren mugimenduko ordezkariak hartu zuen hitz lehenik eta azpimarratu zuen “1936tik gaur egun arte, Euskal Herrian ez dela izan ezta urte bat ere preso edo errefuxiatu politikorik gabe”.

Eusko Lurraren izenean Gotzone Rekondok jardun zuen ondoren: “Albertia Egunean beti lotu dira iraganeko eta egungo borrokak, Euskal Herria ezkerreko independentistatik nora eraman nahi dugun jakiteko derrigorrez gure aurrenekoek egindako ekarpen eta borrokei begira jarri beharra dugulako".

Rekondok euskal milizianoek Asturiaseko frontera joan ziren garaia ere gogoratu zuen: “Euskal Brigadaren ekarpena eta bertan EAE-ANVko gudariena ez zen txikia izan. Ezker Abertzaleak inoiz egindako ekintza internazionalistarik handiena izan zen hura. Errepublikaren alde eta Iberiar herrien sostenguan faxisten aurka. Benetako Internazionalismoa”. 

“Zoritxarrez, ekarpen hura nahiko ezezaguna da, ez bakarrik Euskal Herrian, ezker abertzalearen barruan ere bai. Horren guztiaren omenez, hor ikusiko duzue iaz jarritako oroitarria, non Areces eta Albertiako borrokaldiak lotu nahi izan baikenituen gudari guztiak gogora ekarriz”.

Herritarren Batasuna aldarrikatu zuen Gomezek

Ondoren Gazteluako hariztira jaitsi eta ekitaldi politikoari ekin zioten. Bertan, Askatasunaren Bidean taldeko Fernando Lizeaga preso ohiak eta Eusko Ekintzako Antxon Gomezek parte hartu zuten: Herritar Batasunaren beharra azpimarratu zuten biek.

Gomezen esanetan, “ezker abertzaleak nozitzen duen egungo krisia ez dugu konponduko etengabeko errefundazioen bidez edo marketing koloristen ekitaldietan. Hezur-haragizko erakundetzea behar dugu ezker abertzalean. Militante jatorrez osatua, ez arimarik gabeko marketing ekitaldien figuranteez. Lurra eta herriari lotuta”.

“Baina ez da garaia besteei gertatutakoaren errua leporatzeko –jarraitu zuen Gomezek–, baizik eta etorkizuneko ezker abertzalea berreskuratzeko eta sortzekoa. Guretzat bidea argi dago. Herritar Batasuna, ezker abertzalearen potentzialitate guztia gure eskuetan izateko, herri mugimendu indartsuarena eta, etsai eta aurkari politikoarekiko benetako konfrontazioarena”.


Irakurrienak
Matomo erabiliz
Azoka
Kanal honetatik interesatuko zaizu: Eusko Ekintza
2020-10-04 | Axier Lopez
Jardun
"Garrantzitsuena indarrak batzea da Euskal Herri langilearentzat alternatiba politikoa sortzeko"

Legutioko Albertia mendian 1936ko gudariei egiten zaien aurtengo omenaldia aukeratu dute Jardun koordinadora ezkertiar eta independentistaren sorrera irudikatzeko. Haren atzean bi indar dira. Batetik, tradizio politiko luzea duen Eusko Ekintza eta plazara lehen aldiz iazko... [+]


2020-08-10 | ARGIA
Jarki eta Eusko Ekintzaren arteko elkarlanaren hasiera izango da Albertia Eguna

Abuztuaren 15ean ospatuko dute Legutioko Albertia mendiko tontorrean eta Gazteluako hariztian. Eusko Ekintza eta Jarki antolakundeek agiri bateratua kaleratu dute.


Faxismoak eraildako 36ko militanteen bigarren heriotza: Jose Plazerren kasua

Hainbat talde soziopolitiko historikoren zein herri mugimenduren hamarkadetako lan eskerga eta ahaztuaren bidez, “Oroimen historikoa” gure jendartean “modan” jartzen ari da azkenean. Gauzak horrela, denbora luzez gaiari jaramon handirik egin gabeko... [+]


2013-02-17 | Mikel Asurmendi
Arritxu Santamaria / Nekane Garmendia
"Guk ez dugu ikusten garai berri batean gaudenik"

Eusko Ekintza alderdi berriko kideak dira Arritxu Santamaria (Zumaia, 1956) eta Nekane Garmendia (Ordizia, 1953). Lehena, 2003-2006ko bake prozesuko Konponbiderako Mahaiaren koordinatzailea izan zen. Bigarrena EH Bilduko zinegotzia da Ultzaman. Ezker abertzalearen herri... [+]


Eguneraketa berriak daude