Martxoaren 15ean egin zen Herriko Etxeetako –eta Euskal Elkargoko– bozen lehen itzulia, eta astebetera zen egitekoa bigarrena, baina COVID-19aren krisia dela-eta bertan behera geratu zen. Ipar Euskal Herriko 18 herritan egingo da bigarren itzulia; gainerakoetan, lehen itzulian gailendu ziren zerrendek botoen erdia baino gehiago lortu zuten.

Segurtasun neurri zorrotzen pean egingo dira bigarren itzuliko kanpaina eta bozketa: metro bateko distantzia mantendu beharko da, marskara jantzi, desinfektatzeko gela erabili... Egoerak okerrera egingo balu, bozak berriz atzeratzea erabaki lezake Frantziako Gobernuak. Erabakiko balu uda pasa arte ez egitea, berriro egin beharko lirateke bi itzuliak.

Euskal Hirigune Elkargoa bigarren itzulia egin ostean osatuko da.

Informazio gehiago:

Bozen lehen itzuliaz analisia: Abstentzioa, ezezagun handia (Jenofa Berhokoirigoin)