Hemendik 30 urtera, 5.000 milioi lagunek pairatuko dituzte ura eskuratzeko zailtasunak
Datu kezkagarri hau plazaratu du Nazioarteko Meteologia Erakundeak urriaren 5ean. Ur erreserbak ttipituz doaz: azken hogei urteetan, urtero zentimetro batez apaltzen da zorupeko heina.
Beste datu beltz bat, aldi honetan Nazioarteko Meteologia Erakundearen eskutik: 2050ean 5.000 milioi lagunek dituzte ura eskuratzeko zailtasunak ukanen.
Ur erreserbak ttipituz doaz: azken hogei urteetan urtero zentimetro batez apaldu da zorupeko heina. Hori horrela jadanik 2018an 3.600 milioi lagunek zuten uraren eskasia sentitu behintzat hilabete luze batez. Oraingoz, Antartikoan eta Groenlandian da gehien sendi eskasia, nahiz eta latitude apalagoak ere hunkiak izan.
Arazoari aurre egin ahal izateko, aurreikuspen eta alerta sistemak garatzeko beharra ikusten du Nazioarteko Meteologia Erakundeak. Horrez gain, uraren gestioan ere inbertitzeko garrantzia azpimarratzen du erakundeak.
Aldi berean, uholdeak gora
Era berean, urarekin lotutako arriskuak handitu egin dira azken bi hamarkadetan: 2000. urteaz geroztik, uholdeekin lotutako hondamendien kopurua %134 hazi da aurreko bi hamarkadekin alderatuta, baina lehorteen kopurua eta iraupena ere %29 handitu dira aldi berean.
Uholdeekin lotutako heriotza eta kalte ekonomiko gehienak Asian gertatzen dira, eta lehorteak kalteturiko gehienak Afrikan dira.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Baso jangarria edo oihan baratzea lantzen dute duela 14 urtetatik Odei Etxeberriak eta Gorka Torrek. Zuhaitzak eta barazkiak uztartzen dituen sistema honen oinarriak azaldu ditu Torrek Egonarria saioan, Mattin Jauregiren galderei erantzunez. Urte hauetan guztietan hainbat... [+]