Hego Euskal Herriko industriako enpresa handienek enplegu erregulaziorako espedienteak iragarri dituzte
Tubacex, Aernnova, Siempens Gamesa eta ITP enpresek uztailean enplegu-erregulazioko espediente ugari igortzeko asmoa azaldu dute
Burtsan kotizatzen duten euskal konpainia handienek EEE bana iragarri dute euren akzioen beherakada gelditu asmoz, El Salto hedabideak ohartarazi duenez. Tubacex, Aernnova, Siemens Gamesa eta ITP dira enpresa horiek, Euskal Herriko ekonomiaren 'altzairuzko giharrak', behin Sestaoko La Naval desagertu ostean.
Otsailaren 29tik ekainaren 30era bitartean 6.511 lanpostu galdu dira Euskal Autonomia Erkidegoko eta Nafarroako industrian, Gizarte Segurantzan afiliatutako pertsonen kopuruari erreparatuta. Bigarren hiruhilekoaren amaieran 207.282 langile ari ziren sektorearen %3a baino ez zen hori. Behin EAEko hauteskundeak igaro ostean, ordea, zifra moldatu egin da.
"Aernnovako kaleratzeak beste albiste txar bat dira aste izugarri batean", adierazi zuen Arantxa Tapia Eusko Jaurlaritzako Industria sailburuak. Hala, enpleguei eusteko neurri gisa langileei soldatak jaistea proposatu zuen. "Malgutasuna" eskatu zien baldintza ekonomiko kaxkarretan aurkitzen diren beharginei: "Euskadi ez da kostu txikiko herrialdea", argudiatu zuen.
Eusko Jaurlaritzak zenbait neurri hartu du jada egoera horretan diren langileentzat. Buletin Ofizialean adierazi dutenez, Euskal Enplegu Zerbitzuak martxan jarri du COVID-19aren ondoriozko aldi baterako enplegu-erregulazioko espedienteek eragindako langileentzako deialdia. Pertsona horiek inprimaki bat aurkeztu beharko dute laguntza eskatzeko. Uztailean, abuztuan, irailean edota hiru hilabeteetan aldi baterako enplegu-erregulazioko egoeran egon eta urtean 20.000 eurotik beherako kotizazio-oinarria duten pertsonei zuzenduta dago deialdia. 150 eurokoa izango da langabezia-prestazioaren hileko osagarria % 50etik gorako lanaldia dutenentzat, eta 100 eurokoa ehuneko horretatik beherako lanaldia dutenentzat.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.