16 eta 30 urte bitarteko gazteen %18,5 emantzipatu da EAEn eta %23,2 Nafarroan, Espainiako Gazte Kontseiluak (CJE) argitaratu berri duen txostenaren arabera. EAEko datua Espainiar Estatuko baxuena da.
Gehiago dira etxebizitza propioan edo alokairuan bizi diren adin tarte horretako emakumeak, gizonezkoak baino, bi erkidegoetan. 30 eta 34 urte artean dituztenei dagokienez, %83,7k bere kabuz ordaintzen duen etxebizitza du Nafarroan; EAEn aldiz %72,3k.
Aktibitate-tasei dagokienean, EAEko gazteen (16 eta 30 urte artean) %36,2k lana du, eta %19,1 dago langabezian. Gainontzeko %44,6 biztanleria ez-aktiboa da. Nafarroako gazteen artean ostera, %47,2 da ez-aktiboa, %34,4k lanpostua du eta %18,2k ez du lanik aurkitzerik izan. Lanpostua duten 30 urtetik beherako gazteen ia erdiak behin-behineko kontratua du, bai Nafarroan (%45,7) eta baita EAEn (%47,9) ere.
Lana eta ikasketak
Hego Euskal Herrian, 30 urte baino gutxiago dituzteen biztanle ez-aktiboen artean, hamarretik bederatzi ikasleak dira. Ikasketa-mailari erreparatuz gero, 16 eta 30 urte bitarteko nafarren artean, goi-mailako ikasketak dituztenek lanpostua lortzeko aukera handiagoa dute (%73) soilik bigarren mailako ikasketak dituztenek baino (%40,5).
Aldiz, 30 eta 34 urte bitartekoen kasuan bestelakoa da joera. Derrigorrezko ikasketak bakarrik egin dituztenen artean %95,4koa da enplegu-tasa, eta %89koa goi-mailakoak egin dituztenen artean.
EAEn bestalde, adin tartea edozein dela ere, enplegu-tasa handiagoa da goi-mailako ikasketak dituzten gazteen kasuan, eta ikasketa-maila jaitsi ahala portzentajea txikiagotzen da.
Nafarroako eta EAEko txostenak osorik kontsulta daitezke CJEren webgunean.
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]