“Hedabideok birpentsatu beharko dugu indarkeria matxistaren berri nola eman”
2018ko azaroan abian jarri zuen Berria egunkariak indarkeria matxistaren biktimen mapa. Maite Asensio eta Pello Urzelai etorri dira saria jasotzera. Asensiok adierazi du orain dela hamabost urtez geroztik ditugula indarkeria matxistari buruzko datu zehatzagoak, eta orduan hasi zirela hedabideak “bortizkeria horren berri serioago ematen” eta “erantzukizun politikoa” bere gain hartzen.
Alabaina, gaur egun indarkeria matxistaz informatzeko moduez kezka adierazi du: “Ez ote gara ohitu indarkeria matxistara, alegia, inor gutxi asaldatzen da emakume bat bortxaz hiltzen dutenean”.
Berriak indarkeria matxistaren biktimen maparen bidez ale bat jarri duela dio Asensio kazetariak, eta haren ustez, gai horrek kolektiboan eztabaidatzea eskatzen du, hedabideetako langileek eta mugimendu feministek.
Kazetariak azpimarratu du euskarazko hedabideak erdarazkoak baino hobeto ari direla lantzen gai hau, eta hala esan du: “Aldarrika dezagun, baina ez gaitezen geratu bertan goxo”.
Pello Urzelaik poza agertu du ARGIAren mendeurrenean saria jasotzerakoan, 80ko hamarkadan ARGIAko kide izan baitzen. Zorionak eman dizkio ARGIAri mendeurrenagatik eta gaur egungo ekarpenagatik.
Urtarrilaren 31n bilduko gara Usurbilgo Atxega jauregian Argia Sariak banatzeko. ARGIAko lantaldea ari da balizko saridunen zerrenda osatzen. Hala ere, irakurleon proposamenak beso zabalik jasotzen ditugu urtero.
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.