Heartstopper telesailak agerian utzi du kolektibo oso baten “nerabezaro lapurtua”
Kritika eta publikoaren arrakastatik harago, Heartstopper telesailaren ikusle asko mezu bera uzten ari da sare sozialetan: belaunaldi berrientzat erreferente pozgarria dela bi mutikoren arteko lehen maitasun istorio ezti eta jostari hau, hainbeste eta hainbeste izanik heterosexual ez izateagatik nerabezaroan beren sentimenduak erreprimitu behar izan dituztenak eta “nerabezaroa lapurtu” dietela sentitzen dutenak.
Bukaera zoriontsua duen istorio samur eta onbera da Heartstopper –nahiz eta jazarpen homofobiko eta transfoboa edota armairutik ateratzeko zailtasunak oso ongi islatzen dituen, besteak beste–, eta hori da hain justu adin batetik gorako jende askok eskertu duena, “homosexualoi samurtasuna ukatu zaigulako”, dio txiolari batek. Lehenengo musu eta begiradak, elkar ukitzearen kitzika, elkarri eskua hartzea… Xalotasunez betetako irudiak dira, trama erromantiko andanatan ikusiak, baina ez bi mutiko protagonista absolutu direla. Telesaila ikustea katartikoa izan dela ere aipatu du baten batek, istorio xalo horren aldean errealitatearen zaplaztekoa ozen entzun baita sare sozialetan: asko dira gizartearen LGBTfobiagatik, beldurragatik, gainerakoen jazarpena saihesteagatik, norbere buruaren eta desiren ukazioagatik… halako istorioren bat bizitzeko aukerari ateak itxi dizkiotenak nerabe sasoian, harik eta adinak, denborak, heldutasunak, ezinegonak… armairutik ateratzeko nahikoa indar eta segurtasun eman dien arte.
Heartstopper gisako erreferenteekin belaunaldi berriek norbere identitatea eta harremanak beste era batera bizitzeko aukera dutela azpimarratu du jende helduak, beraiek erreprimitu behar izan zutena azaleratzea posible dela barneratzeko adibide gehiago dituela gazteriak. Baina erreferente gehiago egon badagoen arren, ongi legoke gazteei eurei galdetzea, ea erraza eta erosoa den egungo eskola giroan eta egungo gizartean armairutik ateratzea, gustuko duzun sexu bereko pertsonari gustuko duzula esatea, bueltan jasoko duzunaren beldurrik izan gabe.
Burua altxa eta norberaren borroka zehatzetik harago joateko gaitasuna duen mugimendua da transmaribibolloena, hala erakutsi dute beste behin ere larunbatean, LGTBIQ+fobiaren Kontrako Nazioarteko Egunean. Palestinako genozidioa lehen lerrora ekarrita, zapalkuntza orori aurre... [+]
Bilboko LGTBIQ+ zinema eta arte eszenikoen Zinegoak jaialdiak 2025eko edizioko sariak iragarri ditu. Between Goodbyes eta Alma del desierto dokumentalak izan dira palmaresaren irabazle nagusiak.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
Neska transexual baten ama, haurtzaroan bere genero identitateagatik bullyinga jasan zuen gizona edota LGTBI kolektiboko nikaraguar erbesteratua ezagutu eta horietakoren batekin bizipenak partekatu eta solastatu nahi duenak aukera izango du datozen egunetan Nafarroako sei... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Bekat’uros LGBTQIA+ euskal besta hirugarren urtekoz iraganen da Atharratzen. Apirilaren 12an egun osoko egitaraua antolatu du Prefosta elkarteak, usaiako karrika inguruarekin, kontzertuekin eta ikusgarriekin.
Ikaslez lepo zegoen Leioako Hezkuntza Fakultatea pasa den asteazkenean, Samantha Hudson zetorrelako. 1999an jaiotako Mallorcako artista, abeslari eta influencer transgeneroa da. Kantatzen Duen Herria topaketetako izarrak ilara amaigabea zuen selfie eta autografoak emateko, eta... [+]
Larretxeatarren oinordea da, aizkolari, harri-jasotzaile, txinga-eramale eta, oro har, herri-kirolari handien ondokoa. Patxi du aita; Donato, berriz, osaba. Hasier Larretxea, aldiz, da gizarte langile, da idazle, da homosexual. Harro beharko genuke denok.
1984an ‘Bizitza Nola Badoan’ lehen poema liburua (Maiatz) argitaratu zuenetik hainbat poema-liburu, narrazio eta eleberri argitaratu ditu Itxaro Borda idazleak. 2024an argitaratu zuen azken lana, ‘Itzalen tektonika’ (SUSA), eta egunero zutabea idazten du... [+]
Manifestazio jendetsuak egin dituztean larunbatean Argentinako hainbat hiritan. Javier Milei presidenteak "pedofilo" deitu ditu LGBTIQ+ pertsonak Davoseko Munduko Ekonomia Foroan.
XV. mende bukaeran edo XVI. mende hastapenean Belauntzako Katalina atxilotu, preso sartu, torturatu, guziaz desjabetu eta erbesteratu egin zuten, Oiartzungo Maritxurekin “haragizko harremanak” ukateagatik. 500 urtez isilean eta artxiboetan galdurik egondako... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.