Ni Nerea naiz (Bellaterra argitaletxea) ipuina Nerea Garcíak idatzi du, eta ez da bere buruaz ari lan horretan, bere alabaz baizik. Ipuinean agertzen den neska oso tematia da, ingurukoei neska bezala tratatzeko eskatzen die behin eta berriz, nahiz eta besteek mutiltzat hartzen duten zakila duelako. Nerea Garcíaren asmoa alabaren ikaskideei hura zer den ulertzen laguntzea da. Angel Remírezen ilustrazioak ditu eta Emaize Sexologia Zentroak egindako irakurketa gida ere bai. Nerea Garcíak gaztelaniaz idatzi du ipuina (Yo soy Mia) eta Ni Nerea naiz itzulpena berriz Mario Unamunok egin du. Ipuina abenduaren 27an (19:00etan) aurkeztuko da Katakrak liburu-dendan.

Abenduaren 28an (19:00etan), toki berean, Aingeru Mayor haur sexualitatearen ikertzaile eta Chrysalliseko kideak “Sexu aniztasunaren balioa eta aberastasuna haurtzaroan” hitzaldia eskainiko du gaztelaniaz. Horrez gain, “Neskak eta mutilak. Norbera, den bezalakoa” haurren argazki, historia eta hausnarketak jasotzen dituen liburua aurkeztuko dute. Egileak Aingeru Mayor eta Susana Monteagudo dira eta Litera Libros argitaletxeak argitaratutakoak. Liburuan era askotako neskak eta mutilak dira protagonista errealak, ile luzedunak eta mozdunak, soinekoak eta galtzak janzten dituztenak, balleta gustatzen zaienak, eta ipur-saltoka ibiltzea nahiago dutenak.

Bi lanak etxerako eta eskolarako aproposak dira.