Hastear da Festikale, Landa Inguruneko Nazioarteko III. Antzerki Jaialdia

  • Abuztuaren 25etik 28ra bitartean, Festikale kale antzerkiaren erakustaldiaren hirugarren edizioa egingo dute Zigoitiko eta Zuiako udalerrietan.

Artikulu hau CC BY-SA 3.0 lizentziari esker ekarri dugu.

2016ko abuztuaren 23an - 15:42
Hortzmuga taldeak Nola antzezlana aurkeztuko du.

Hain justu ere, Gopegiko Bengolarra parkea eta Murgiako udaletxe plaza arte eszenikoz eta zirkuz beteko dira egun horietan.  

Aurten, bost konpainia izango dira bertan. Kataluniatik iritsitako Ponten Piek Ârtica izeneko ikuskizuna eskainiko du egunero Gopegin, Bengolarran, 12:00etan, 13:30ean, 17:30ean, 19:00etan, eta 20:30ean. Frantziako Teatre de Rugissant konpainiak, berriz, jaialdiaren lehen bi egunetan antzeztuko du Tout Seul lana, Murgiako plazan, 18:00etan, eta 20:30ean.

Abuztuaren 26an eta 27an, jaialdian parte hartuko duen Euskal Herriko ordezkari bakarra ikusteko aukera izango da, Gopegin; Hortzmugak Nola antzezlana aurkeztuko du. Abuztuaren 26an eskainiko dituen emanaldiak euskaraz izango dira. Ymedio konpainia andaluziarra ere bi egun horietan izango da, Murgian, Sie7e ikuskizunarekin, 12:00etatik 14:00etara eta 18:00etatik 20:00etara, emanaldiak egingo ditu 15 minuturo.

Abuztuaren 27an eta 28an, azkenik, Galiziako Tanxarinakoek Trogloditas antzezlana eskainiko dute, Bengolarran.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Antzerkia
Kike Diaz de Rada hil da, aktore, antzerki zuzendari eta idazle donostiarra

64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.


Zubiburu mahai ingurua. Daniel Landart eta Arantxa Hirigoen
“Antzerkia emana izateko da, gordetzeko baino”


2024-05-29 | Reyes Ilintxeta
Estefanía de Paz Asín
“Hildakoak erreskatatzera eta berpiztera etorri naizela sentitzen dut”

"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]


Eguneraketa berriak daude