Hasi da hegaztien udazkeneko migrazioa Pirinio mendietan barna

  • Abuztu bukaera aldean hasi da udazkeneko pasea Pirinio mendietan eta urtero bezala, milaka izango dira Europako Iparraldetik Afrikarantz  zeharkatuko dituzten hegaztiak. Euskal Herriko pasabidean bi behatoki berezitan ari dira horiek behatu eta zenbatzen: Organbidexkan eta Lindusen.


2019ko irailaren 16an - 11:42
(Argazkia: LPO)

LPO Migrazioaren Akitaniako Behatokia arduratzen da Zuberoa eta Nafarroa artean Irati ondoan den Organbidexka gaineko behaketaz. Organbidexkako behatokia borroka eta lan askoren emaitza da, Organbidexka Col Libre elkarteak 1982an lortu zuen ehiztariek hartuta zeuzkaten mendi guztien artean lepo hori alokatu, bertan ehiza galarazi eta behatokitzat ezartzea.

Facebooketik zabaltzen ditu LPOk Organbidexkatik pasatzen ikusten dituen hegaztien estatistika eta irudi izugarriak, eta horiei esker dakigu dagoeneko aurten hasiak direla gain haietatik pasatzen, batzuk jendeak udazkenarekin berehala lotzen dituztenak –kurrilo, zikoina zuri eta beltzak, usoak, usapalak...– baina baita ere beste asko herritar arruntoi begiradetatik eskapatzen zaizkigunak: joan den ostegunean bartean, irailak 12, 41 Zingiretako Mirotz zenbatu zituzten, esaterako.

 

Belle observation de busards des roseaux Hier, mercredi 11 septembre, les observateurs et écovolontaires présents sur...

Posted by Observatoire de la Migration en Aquitaine LPO on Thursday, September 12, 2019

 

Bigarren behatokitik ere, Lindusetik, hasiak dira irudi eta informazio aberatsak zabaltzen. Lindusekoek hegaztiak beren izen zientifikoz izendatzen dituzte.

 

Hoy por Lindus. Gaur Lindusetik. Au jourd'hui à Lindux. Today across Lindus. 27 Pernis apivorus 9 Circaetus gallicus 4...

Posted by Migración en Lindus on Monday, September 9, 2019

Organbidexkako behaketen datuak (hegaztien ingelesezko izenekin) Trektellen gunean egunez egun jasotzen dituzte.

 

 


Kanal honetatik interesatuko zaizu: Hegaztiak
Basoko arotz mihi-luzea

Basoan barrena oinez joan eta hara, ‘krrukrru-krru’ ozen bat entzun da. Bi aldeetara begiratu... Nor ote? Okil beltza hegan. Ez da hegazti txikia eta kolore beltza du, beleak bezala. Antzeko tamaina eta kolore bera dute bi hegazti horiek, horregatik da agian Sakanan... [+]


Basoilarra agertu da Larra-Belaguan, baina zer esatera etorri zaigu?

Desagertzeko arriskuan dagoen basoilarra ikusi dute azken egunetan Larra eta Aztaparretako naturgunean, Belaguako La Contienda bailarako eski estazioko aparkalekuan. Jokabide arraro horrek kezka sortu du biologoen artean, aurtengo negu beroak eraginda izan baitaiteke. Basoilarra... [+]


Kantuak eta soinuak ikasten trebeak diren txoriek gaitasun kognitibo handiagoak dituzte

Kantuak ikasten eta soinuak imitatzen trebeak diren txoriek gaitasun kognitibo handiagoak dituztela ondorioztatu dute, Science aldizkarian argitaratu berri duten ikerketa batean.


2023-06-02 | ARGIA
Eolikoak jarri nahi dituzten Ezkeltzura irteera ekainaren 4an, Zizurkildik eta Usurbildik

Andatza-Ezkeltzu Bizirik taldeak antolatuta, irteera berezia egingo dute Ezkeltzu ezagutzeko: hegaztiei eta ondare arkeologikoari buruzko azalpenak emango dituzte ibilbidean zehar eta erakusketa ikusgai egongo den ukuiluan elkarrekin hamaiketakoa eginez biribilduko dute goiza.


2023-05-23 | ARGIA
Europako hegaztien laurdena desagertu da berrogei urtean, nekazaritzaren industrializazioak eraginda

Azterlan zabal batek erakutsi berri duenez,  1980tik 2016a bitartean hegaztien populazioak % 25 gutxitu dira azken 40 urteotan, eta ia % 60 nekazaritza-inguruneetako espezieen kasuan. Hori da, hain zuzen ere, Europako hegaztiei buruz orain arte egindako ikerketa handienaren... [+]


Eguneraketa berriak daude