Hainbat proiektu alternatibo aurkeztuko dituzte datozen asteetan
Prozesu osoan zehar ezkutuan eta etenik gabe lanean egon ostean, hilabete honetan eta udan zehar egingo dituzte publiko proiektuak.
Oharra:
Urte eta erdi pasa da lehen aldiz Añorgako Firestone lantegi berreskuratuan bildu ginenetik. Proiektu berri bat abiatzeko irrikak batu gintuen, prozesuari amaierarik irudikatze ezak sortzen zigun konbentzimenduak. Bagenekien bidea luzea izango zela, erritmoen gora-beherek batzuetan oztopatu eta besteetan aberastuko gintuztela, baina sinesten genuen sistema iraultzeko bide zuzena zela amesten genuena apurka-apurka eraikitzen hastea. Eta sinesten dugu.
Gure bizitzen jabe izan gaitezen, geure buruak irauli eta gure egunerokoan azalean eta gordin bizi ditugun borrokak piztu behar ditugu: lana eta prekarietatea, etxebizitza, elikadura burujabetza, jai ereduak.. Hauek eta beste hamaika esparru dira kolpatzen gaituztenak. Horregatik, boterea lapurtu behar diogu egunerokoan gure bizitzen gaineko erabakiak hartzen uzten ez digun sistemari; zapaltzen gaituenari botere espazioak irabazi. Autogestioa, Autoantolakuntza, Autonomia eta Autodefentsa oinarri, proiektu askatzaile berriak sortu behar ditugu txikitik handira.
Prozesuak aurrera egin ahala, proiektu zein alternatiben leherketa gertatuko zela aurreikusten genuen guztiok. Eta ez da nolanahikoa izan: ezkutuan eta etenik gabe, herriz herri eta auzoz auzo hausnartzen aritu gara, maila lokalera egokitzen diren proiektuak eraiki ditugu eta konplizitateak bilatu ditugu beste borroka esparru batzuekin. Hauxe izan behar da norabidea, hasi berri dugun bidea, prozesua arrakastatsu egingo duena.
Udarekin batera, Barañainen landatutako hazietako batzuen loratzea emango da. Hilabete hauetan zehar ildo ezberdinetan egindako lanari esker, isuritako izerdiari esker, hainbat proiekturen aurkezpenen atarian gaude, aurretik sortu eta etorriko direnez gain. Ereindakoaren fruituak jaso eta lanera batzeko unea dugu beraz.
Txikitik handira, bai. Maila nazionalean sortutako tresnak baliatu eta maila lokalean garatutako proiektuak hauspotzea eta alternatiba berriei bide ematea dagokigu. Sistema honi arrakalak sortzeko erantzukizuna gure gain hartu eta iraultzarako oinarriak jarriko ditugu. Soilik horrela izango gara gure bizitza sozial, politiko, ekonomiko zein kulturalaren jabe, horrela bakarrik eraikiko dugu Gazte Boterea. Etenik gabe eginez.
Eta guzti hau egin dugu eman ditugun urrats guztietan. Usurbil, Errekaleor, Karmela, Barañaingo Topaketak... Arabako Gazte Euskaltzaleen Topaketak, Donostiako Babes Sarea, Musikarien Topaketak, ... Alternatiba ezberdinak bide, Herria helburu, Gazte Boterea oinarri, komunitatea, komuna. Bide honetan aurrera egiteko hautuan berresteko unea da, sinistuz, pentsatuz, ekinez. Alternatiba gu geu garelako.
Albiste hau Topatuk argitaratu du eta CC-by-sa lizentziari esker ekarri dugu ARGIAra
Euskal Herriko zazpi lurraldeetan barna, hamabost egunez segidan hamabost kontzertu antolatu ditu Musika Zuzenean proiektuak, 15 urte betetzen dituztelako. Areto txiki, taberna eta espazio autogestionatuetan izango dira. Anari, Niña Coyote eta Chico Tornado, Ezpalak eta... [+]
Txikitatik pentsatu nuen nortzuk ote ziren paretetan, karteletan, oroitarritan, asteroko manifestazioetako aurpegi horiek. Baziren eskelak egunkarietan eta herriko plazan, baina gero, baziren besteak. Ez nituen inoiz kaletik ikusi, ez nekien izenik, baina edozein herritan... [+]
Ernaik manifestazio jendetsua egin du igandean Donostian, estropaden ostean, "Ekin eta bultza askatasunera" lelopean. Milaka gazte elkartu dira independentziaren alde eta faxismoaren aurka. Txiki eta Otaegi omendu dituzte, beren borrokarekin jarraitzeko konpromisoa... [+]
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Gazteak dira, jaiotzetik aro digitala baino ez dute ezagutu, eta hiperkonexioaz eta estimulu jarioaz nekatuta/nazkatuta amaitu dute. Gutxiengoa dira, baina garbi dute sare sozialen zurrunbilotik ihes egitea hoberako izan dela: "Ez da alarmismo kontua, baina jakin behar dugu... [+]
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Grabagailuari stop eman eta segituan galdetu dit Oiherrek: “Transkribatzean mantenduko duzu euskalkia?”. Baietz nik, batuaren mugek uzten didatenaren barruan baietz. “Arras inportantea da niretako”. Dutxa hartu eta Elizondora eginen du berriz, Aroztegiko... [+]
Unibertsitateko ikasleak azterketa garaian dauden bitartean, irakasleoi ikasturtea ixtea dagokigu. Irakasleak talde txikitan biltzean oso ohikoa da urte batetik besterako aldaketen gainekoak konpartitzea eta hausnarketaren brindis gisara ikasle belaunaldiaren
ezaugarritzea... [+]
Aste Santuan Berriozarren egindako topaketetatik egun gutxira bildu gara Gasteizko Sorturen bulegoan. Hango kontuez jardun dugu apur bat, baina batez ere gaur egun euskal gizartean dantzan diren gaiez aritu gara, Ernaik horien gainean duen iritzian sakontzeko asmotan. Amaiur... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Maiatzaren 22tik 23ra bitartean deklaratu beharko dute auzipetuek. Gazteek salatu dute instituzioak "geroz eta gehiago" ari direla mugatzen protestarako eta mobilizaziorako eskubide politikoa, eta 'Bajadikako 27ak' izenarekin sortu dute plataforma bat. Maiatzaren... [+]