Gutxienez 51 pertsona hil dira Kanarietara heldu nahian itota

  • Marokotik irten ondoren migratzaileek zortzi egun eman dituzte itsasoan noraezean, larunbatean hondoratu arte.


2023ko uztailaren 03an - 10:28
Azken eguneraketa: 2023-07-04 00:10:36

Helena Maleno Walking Borders elkarteko sortzaileak eta giza eskubideen ekintzaileak salatu du gertatutakoa. Marokoko Tan Tan hiritik atera zen migratzaileen ontzia Kanarietara bidean, eta uztailaren 1ean hondoratu da. Gutxienez 51 pertsona migratzaile hil dira.

Hildakoen artean 11 emakumezko eta hiru haur daudela azaldu du Malenok Twitterren, eta bizirik atera diren lau pertsonak ospitalean daude.

“Heriotza mugan dago erreskaterako baliabide faltagatik eta bizitza defendatzeko herrialdeen lankidetza eskasagatik”, salatu du Malenok. "Azken asteetako hildakoen kopurua" ez dela handitzen utzi behar esan du, berriki Grezian, eta Kanarietan gertatutako hondoratzeak gogoan.


Kanal honetatik interesatuko zaizu: Errefuxiatu krisi globala
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


Migratzaileei sarrera gogortzeko ituna onartu du Europako Parlamentuak

Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]


2024-02-29 | Euskal Irratiak
Otsailean 600 migratzaile lagundu ditu Irungo Harrera Sareak

Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]


Egunean hemezortzi migratzaile hil ziren bataz beste iaz Espainiako Estatura iristeko ahaleginetan

Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.


Eguneraketa berriak daude