Gutxienez 35 hildako Soleimaniren hiletan

  • Jenerala ehortzi aurreko hileta prozesioan jendea korrika hasi da, hildakoak eta zaurituak eraginez. AEBek urtarrilaren 3an hil zuten Soleimani jenerala, Ekialde Hurbila ataka berri batera bultzatuz.


2020ko urtarrilaren 07an - 12:27

Urtarrilaren 3an AEBek hil ostean, Soleimani jeneralari azken agurrak egin dizkiote azken egunotan. Igandetik jende andana bildu da hilkutxa igaro den inguruetan, eta astelehenean Teherango kaleak jendez lepo bete ziren; Kristina Berasain Tristan kazetariak Berrian adierazi duenez, “Ruhollah Khomeini errepublika islamikoaren sortzailearen heriotzatik ez zen horrelako irudirik ikusten”.

Teheran atzean utzita, Kermanen, bere jaioterrian, lur emango diote Soleimaniri asteartean. Ehorzketan aurretik hileta prozesioa abiatu da Kermaneko kaleetan, eta orduan jazo da ezbeharra: hainbat pertsonak korrikari eman diote, eta horrek hildakoak eta zaurituak eragin ditu. Irango hedabideek emandako datuei jarraiki, gutxienez 35 dira hildakoak, eta 40 zaurituak.

Irango Guardia Iraultzaileko Al Quds Indarren komandante zen Qassem Soleimani. AEBek Bagdadeko Nazioarteko Aireportuan hil zuten pasa den urtarrilaren 3an; Pentagonotik zabaldutako idatziak Soleimaniri eta berau buru zuten Quds Indarrei egozten zien "ehunka estatubatuar eta koalizioaren zerbitzuko kideak hiltzearen eta milaka lagunen zauritzearen erantzukizuna".

AEBen eta Iranen arteko harremana gogor tenkatu dute gertakariek. Ander Perez Zalak Berrian idatzitakoaren arabera, Irango Parlamentuak “indar terrorista” izendatu ditu AEBetako armada eta Pentagonoak, hilketa “gerrako operazio terrorista” dela iritzirik. Horrez gain, Alahyar Malekshahi parlamentuko batzorde juridikoaren buruzagiak Nazioarteko Zigor Auzitegira jotzeko asmoa agertu du, AEBetako Gobernua eta Donald Trump presidentea salatzeko asmoz.

Soleimaniren hilketa Irango Kanpo ministro Mohamad Javad Zarifek erasoa "oso arriskutsua" dela adierazi zuen, "Soleimanik Estatu Islamikoaren, Nusra Frontearen eta Al Qaedaren aurka borrokatzen duen indarrik eraginkorrena zuzentzen zuelako". Egoera horrela, Irango lider goren Alí Jameneik "erantzun gogorra" emango dutela ohartarazi zuen.


Kanal honetatik interesatuko zaizu: Ekialde Hurbila
Iran, Hezbola, Itsaso Gorria… Gerra Gazatik Ekialde Hurbilera zabaltzeko arriskua erreala da

Azken asteetan zabalduz zihoan mehatxua geroz eta errealagoa da: Gaza erabat suntsitzen dabilen gerra Ekialde Hurbilera hedatu daiteke. Hiru lurralde dira tentsio gorenean –Hezbolaren bidez Libano, Iran eta Itsaso Gorria– eta beste batzuk ere sartu daitezke dantza... [+]


Sei Egunetako Gerra: ezpata esku batean, gezurra bestean

Gerra eta gezurra bat doaz eta oso gaitza da jakitea gerra batean nor zertan dabilen kazetariak edo bestelako iturriak tartean ez badira. Israelek historikoki erakutsi du ezpata dantzatzeko indarra eta gezurra maneatzeko abilezia. Orain Gaza bonbardatzen ari denean, ospitaleei... [+]


Gerra Hotza eta Erromatar Inperio baketsua

Ekialde Hurbila, K.o. II.-III. mendeak. Erromatar Inperioak 1.000 kilometro inguruko defentsa lerro bat osatu zuen ekialdeko limes edo muga zaindu eta persiar armadaren nahiz tribu nomaden erasoei aurre egiteko. Lerro hura iparraldetik hegoaldera luzatzen zen, Palmiratik egungo... [+]


Indarkeriaren gailurra duela 6.400 urte

Nature aldizkarian argitaratu berri duten lan batean, duela 14.000 eta 2.400 urte arteko 3.500 indibiduoren hezurrak aztertu dituzte, indarkeria seinaleen bila, egitura politikoen garapenak gizakien arteko indarkerian nolako eragina izan zuen aztertzeko.


Eguneraketa berriak daude