Guardia Zibilak ez du D eredua ikertu Madrilek dioenez, baina egin balu informazioa konfidentziala litzateke

  • Amaiurko diputatu Jon Iñarrituk Guardia Zibilaren ustezko txostenaren harira eskatutako azalpenei erantzun die Espainiako Gobernuak. Ohar labur baten bidez, PPren gobernuak jakinarazi du Guardia Zibilak ez duela hezkuntzan berariazko ikerketarik egin. Bestalde oroitarazi du segurtasun indarren informazioak konfidentzialak direla.


2014ko urtarrilaren 16an - 00:00
Azken eguneraketa: 2015-02-26 13:37:33
Hainbat hedabidek Nafarroako D ereduko irakasleak ETArekin lotu zituzten

Antzeko erantzuna eman zion Jorge Fernandez Diaz Espainiako Barne Ministroak Uxue Barkos diputatuak abenduan egin zion galderari. Barkosek itaundu zuen Guardia Zibilak D ereduko ikastetxeen inguruan eginiko ustezko txostena betetzeko 1.652 herritarrei eginiko zelatatzeak epailearen aginduz egin al ziren.

Barne ministroak ez zuen erantzuna argitu, Guardia Zibilak “ETA eta bere ingurua” miatzen dituela azaldu zuen;  ez direla inolako eredutako hezkuntza alorrean sartzen. Horren harira, Gobernuak “ikastetxeetan gorrotoa sustatzearen kontra” eginen duela  azaldu zuen galdera saihestu nahian. Halaber, “ETA eta bere tentakuluak” hezkuntzan “infiltra” ez daitezen beharrezko neurriak aztertzen hasiko direla gaineratu zuen.

Diario de Navarra, ABC eta El Mundo egunkariek Nafarroako D ereduko 1.652 irakasle ikertu zituztela eta horietatik laurdenak ETArekin zerikusia dutela filtratu zuten. Ustezko dokumentuan oinarrituta atera omen zituzten ondorio horiek.

Hautsak harrotu zituen aferak, izan ere Yolanda Barcinak Nafarroako presidenteak txostena ikusi izana argudiatu zuen. Eta Fernandez Diazek baieztatu zuen “jendartearen eskubideen defentsan eta indarkeria ekintzak baztertze aldera” neurriak hartuko dituela Espainiako Gobernuak.


Kanal honetatik interesatuko zaizu: Euskara Nafarroan
2024-05-31 | Ahotsa.info
Administrazioan Euskaraz taldea
“Nafarroako Kontseiluaren jardun euskarafobikoa salatzera etorri gara”

Administrazioan Euskaraz taldeak Nafarroako Kontseiluaren jardun euskarafobikoa salatu du ekintza baten bidez. Nafarroako Gobernuak euskarako dekretua prestatzen bost urte eman ondoren, Nafarroako Kontseiluari zirriborroa aurkeztu dio.


Mañeruibarko haur euskaldunak omendu dituzte Euskaltzaindiak eta IKF fundazioak

Atzo eguerdian, Mañeruko herriko plazan egindako ekitaldian, diploma bana eman zieten zortzi eta hamabi urte arteko ibarreko 45 haur euskaldunei. Horretaz gain, Oskar Alegriak umeokin ondutako film laburra estreinatu zuten.


Jauzi.eus, Iruñerriko eskolaz kanpoko euskarazko jardueren bilatzailea

Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.


Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzaindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


Eguneraketa berriak daude