‘Guaixe’, ‘Geuria’, ‘GiTB’ eta ‘Karkara’ hedabideek jaso dituzte Tokikom Sariak
2021eko Tokikom Sariak Arrasaten banatu ziren azaroaren 12an. Euskarazko komunikazioaren arloko ehun lagun inguru bildu ziren sari banaketa ekitaldian eta ondoren nazioarteko adituekin egindako jardunaldietan.
Lau sari banatu ditu Tokikomek bere sareko hedabideen artean.
Azalik onenaren saria Sakanako ‘Guaixe’ aldizkariak irabazi du ‘Uda Sakanan’ lanari esker. Azalaren estetika eta balio informatiboa baloratu ditu Maria Gorosarri Gonzalezek, Edorta Arana Arrietak eta Amaia Pavon Arrizabalagak osatutako epaimahaiak.
Edukirik onenaren saria Hego Uribeko ‘Geuria’ aldizkariak jaso du ‘Etxerreko putzua eta Hego Uribeko uren altxorrak’ monografikoagatik. Epaimahaiak azpimarratu du tokiko ikuspegitik hainbat fenomeno global, hala nola, klima aldaketa eta kontsumismoa, lantzeko ahalegina. Hainbat kazetaritza genero eta informazio iturri landu izana nabarmendu du, baita hainbat euskarriren arteko oreka ere, alegia, infografiak, ilustrazioak, argazkiak eta bideoak.
Ikus-entzunezkorik onenaren saria Goierri Irrati-Telebistak jaso du ‘Ateak itxi, leihoak ireki’ lanagatik. COVID-19aren ondoriozko itxialditik urtebetera, herritarren bizipenak eta oroitzapenak jasotzen dituen kontakizuna egin du irrati-telebistak.
Azkena Komunitatearen saria izan da. Publikoak emandakoa da eta botoen laurdenarekin ‘Karkara’ aldizkariak aurkeztutako ‘Bandera da Orion’ azalak irabazi du.
Finalistak eta haien lanak lotura honetan daude.
Ikusiker Ikusentzunezkoen Behategiaren txosten berrienak euskal gazteek informazioaren / albisteen kontsumoan duten interesa aztertu dute. Emaitzak interesgarriak dira; laburbilduta, informazioaren interesa egon badago, eta informazio-iturri fisa, sare sozialak dira gehienen... [+]
Sare sozial horretako hainbat erabiltzaileri zozketa bat irabazi dutela dioen mezua bidali diete kontu faltsutik, euskara txukunean idatzita. Mezua jasoz gero, ez klikatu esteka eta ez eman datu korronteari buruzko daturik, iruzur bat da eta. Euskalerria Irratiak kontu hori... [+]
Hemen eman ahal zaio atxikimendua manifestuari. Agerraldi herritarra egingo da ekainaren 21ean, 19:30ean Amurrioko Udaletxearen aurrean.
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Arrosa Irrati Sareak Nafarroan ospatuko du lehen aldiz komunikazio librearen aldeko eguna. Mende laurdena bete berri duen Esan Erran irrati txikian dute hitzordua, apirilaren 13an, Basaburuan. "Guretzat elkartzeko egun bat da, elkar gehiago ezagutu eta elkarlanaz... [+]
Datozen eraldaketa sakonen aurrean euskarazko hedabideek iraungo badute, erakunde publikoei prozesuak azkartzeko laguntza eta konpromisoak eskatu dizkie Hekimenek, herri ekimeneko euskarazko hedabideen elkarteak.
Trantsizio digitalarengatik eta lehengaien garestitzeagatik, 2023 urtea zaila izan dela nabarmendu du Hekimeneko zuzendari Igor Astibiak
1988ko azaroaren 7an egin zuen lehen emisioa Iruñerriko irratiak. Urteurrena aitzaki hartuta, Zentral aretoan “musika eta hitza” uztartuko dituen ekitaldi bat antolatu dute.
Irrati urtea astelehenean, hilaren 18arekin, abiatuko dute, albistegiak eta arratsaldeko magazina indartuta. Azaroaren 7an, irratiak 35 urte beteko ditu eta hainbat ekimen gauzatuko dituzte urteurrena ospatzeko.
Euskal Herriko tokiko hedabideen sareak jasoko du aurtengo EITB Saria. Tokikometik adierazi dute mundu mailan tokikoak hartzen ari diren lekua aitortzen dutela EITBtik ere eta sektorekoek aitortzea "oso pozgarria" dela.
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]