Asteartean sinatutako ebazpenaren arabera, Fraport enpresa alemanak kudeatuko ditu Greziako hamalau aireportu, tartean Salonika hirikoa. Syriza eta Greziar Independenteen Gobernuak erreskate plana sinatu zutenetik lehen pribatizazioa izango da.1.200 milioi euroko balioa izango du.
Eurotaldearen zenbait iturriren arabera, Greziari ezarriko zaizkion pribatizazio neurriak 50.000 milioi euroko balioa izango dute.
Joan den ostiralean Eurotaldeak Greziaren 86.000 milioi euroko erreskatea onartu zuen Bruselan. Europako Batzordeak uste du erreskatean diru gutxiagoko inbertituko dutela.
Salonikako aireportuaz gain Kavala –ipar-ekialdean–; Corfu eta Zante –Itsaso Jonikoko bi irla–; Canea eta Cefalonia –Kretako irlan–; Aktion –herrialdearen mendebaldean–; eta Rodas, Kos, Samos, Mitilene, Mikonos, Santorini eta Skiathoseko aireportuak – guzti hauek Egeo Itsasoan –, izango dira Fraporten esku geldituko direnak.
Iaz Fraport enpresak eta Copelouzos konpainia greziar energetikoak egin zuten akordioaren arabera, 330 milioi euro inbertituko dituzte aireportuak hobetzeko eta beste 1.400 milioi datozen 40 urteetan.
Erreskate planaren inguruko bozketa Alemanian
Alemaniako Parlamentu Bundestagean izango da asteazkenean hirugarren erreskatearen inguruko bozketa. 86.000 milioi euro – horietatik 23.200 milioi Alemaniak ordainduko ditu – jasoko ditu Greziak, erreforma eta murrizketa fiskal gogorren truke.
Varoufakis akordioaren aurka
Yanis Varoufakis, Syrizako Gobernuko Finantza Ministro ohiak, Eurotaldeak Greziako erreskaterako sinatutako MoU akordioaren aurkako hitz gogorrak esan ditu.
Eurotaldeak sinatutako txostena natura kolonialekoa eta Greziaren aurkako mendekua dela salatu du. Herrialdea beste sei urteko zorretara kondenatuko duela gaineratu du Varoufakisek.
Greziako Finantza ministro ohia susperraldi-funtsaren inguruko negoziazioez mintzatu da El Diario.es egunkariari eskainitako elkarrizketan. Asteburu hontan egingo da goi-bilera, eta Europar Batasuneko herrialdeek koronabirusaren efektuak leuntzeko funts komuna jasotzeko... [+]
Itakan antzeztu du uda honetan Tsiprasek finantza erreskatearen amaiera. Abuztuaren 21ean emandako liturgia hartan solemnitate handiz mintzatu zen Odisea modernoaren bukaeraz.
Greziako kontinentearen mendebaldeko kostaldean dago Itaka, itsaso jonikoan. Handik mendebaldera,... [+]
Iragan uztailaren 27an, Zabaldiko bi kide, brigada internazionalisten prestakuntza lanean ari ziren Tesalonikan. Hurriyako etxea hustua izan zen eta bi kideak atxilotuak. Urtarrilaren 26an, ostegunean, epaituak izanen dira.
Syrizaren bigarren kongresuan Alexis Tsiprasek ikusmin handia sortu duen hitzaldia egin du. Aurrera begirako politika marraztu du greziar presidenteak. Hibai Arbide kazetariak jarraitu du ekitaldia Twitter bidez.
Europako oligarkiak ezarritako politika ekonomikoak bere murrizketekin Greziaren osasun sistema publikoa Hirugarren Mundukoen mailaraino hondoratu duenean, milaka mediku, zaintzaile eta klase guztietako herritar ahalegintzen dira artatzen dirurik ezagatik bazterrean geratutako... [+]