"Bidegabekeria ikaragarria da pintada batzuengatik bi urte eta erdirako espetxeratzea"
Espetxeratzeko aginduaren zain dauden Jon Telletxea eta Urtzi Martinez gazte grebalarien alde, protestak deitu ditu Grebalariak aske! plataformak Bilboko Aste Nagusirako. 2012ko greba orokorrean pintada batzuk egiteagatik bi urte eta erdiko kartzela-zigorra ezarri zien ekainean Bilboko zigor-auzitegiak.
Telletxea eta Martinezi ezarritako kartzela zigorra salatzeko, ehun herritar inguru udaletxe aurrean elkartu ziren astelehenean. Gazteei ezarritako kondena “sistemaren izaera kriminalaren” erakusgarri dela azaldu dute plataformako kideek.
“Bidegabekeria ikaragarria da bi gazte bi urte eta erdiz lau hormen artean giltzapetuta izatea pintada batzuk egiteagatik”, diote. Helburua, gazteei egotzitako “desordena publikoa” baino, beste modelo sozioekonomiko baten aldeko konpromiso eta borroka zigortzea dela salatu dute.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.