Gora Iruñea! ekimenaren agurra

  • Plataformak ohar baten bidez jakinarazi du bere bidea amaitutzat ematen duela. Erreleboa norabide berean lanean jarraituko duten "tresna berriek" hartzea espero du

Artikulu hau CC BY-SA 3.0 lizentziari esker ekarri dugu.

2019ko urriaren 21an - 15:50
Gora Iruñeak sanferminetan antolatutako kontzertu bat.

Gora Iruñea! plataformak nabarmendu du hamar urte baino gehiago eman dituela jai "herrikoi, parte-hartzaile, euskaldun eta feministen" alde lanean. "Auzoetako jai batzordeen, peñen, jai eta kultur eragileen, mugimendu feministaren eta euskalgintzaren kolektiboen topagunea" izan dela gogorarazi du.

Denbora horretan, jardunaldiak eta eztabaida-prozesuak egin dira "jai-ereduan sakontzeko, eredu horrek oinarri izan behar dituen balioen inguruan eztabaidatuz eta teorizatuz, eta hori gauzatzeko praktikak proposatuz”. “Erakutsi dugu ilusioz eta ahaleginez, talde lanetik, beste mota bateko jaiak martxan jar daitezkeela Iruñean ", gaineratu dute.

Lorpen gehiago nabarmendu dituzte: "Edalontzi berrerabilgarria jai guztietan sartzea lortu dugu, eta erakundeetatik ildo horretan lan egitea. Oso lan garrantzitsua egin da herri mugimendua kontzientziatzen gure jaietan gertatzen diren eraso sexistak kudeatzeko eta horiei erantzuteko duen erantzukizunean, protokolo kolektibo bateratu bat landuz. Asko izan dira urte hauetan abian jarri diren tresnak, markoak eta prozesuak, amesten dugun jai eredua pixkanaka gauzatuz joateko ".

Oharrean autorkritirako tarterik ere bada: "Asko ikasi dugu elkarrekin. Gauza batzuk ondo egin ditugu, eta beste batzuk ez hain ondo. Gure lorpen txikiak ospatu eta gozatu ditugu. Barre egin dugu, negar egin dugu, denbora asko eta gauza asko partekatu ditugu, familia txiki bat egin gara".

Nolanahi ere, ekimenaren garaia igaroa dela uste dute: “Plataformak tresna gisa bere ibilbidea amaitu duelakoan gaude. Aurrerapauso asko eman ditugu desiratzen dugun jai eredu horretarantz, baina kontziente gara lan asko geratzen dela egiteko ".

Hala, "beste jai eredu baten aldeko tresna berriak sortzeko, Iruñerako jai eredu berri baten alde lanean jarraitzeko eraginkorrak izango diren bateratze eta aliantza berriak sortzeko" bere lana amaitzen duela iragarri du.

Amaitzeko, honako hau adierazi du: "Pozgarria izan da gure bidean topo egin dugun lagun guztiekin espazioa partekatzea eta borroka egitea, eskerrik asko".


Kanal honetatik interesatuko zaizu: Jai herrikoiak
Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Ehun bat eragilek Mugimendu Sozialistak txosnetan parte hartzea defendatu dute

"Mugimendu Sozialista gure herriaren errealitate politiko eta sozialaren parte da, eta ideologia baztertzailerik ez duen beste edozein eragilek bezala, espazio zabaletan eta jai herrikoien antolaketan parte hartzeko eskubidea dauka", adierazi dute oharrean. Makina bat... [+]


2024-02-14 | ARGIA
Ertzaintzak begia larri zauritu dion gaztearen aita
"Ez da bidezkoa, hamasei urte ditu; bada garaia gauzak aldatzeko eta asko gainera"

Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]


Irungo inauterietako kartel irabazlea adimen artifizialak egina dela salatu dute

Irungo inauterietako kartel lehiaketa irabazi duen gizonak adimen artifizial bidez sortu du irudia, ziurtatu du Luis Doviso diseinatzaileak: “Iruzur egin du, bere burua egiletzat aurkeztu duen pertsonak ez duelako kartela egin, makina batek baizik”. Jakin gabe,... [+]


Eguneraketa berriak daude