ARGIA.eus

2021eko urriaren 25a

Googleri 4.190 milioi euroko kalte-ordaina eskatu diote erabiltzaileei jarraipena egiteagatik

  • AEBetako Kaliforniako epaitegi batek Googleren aurkako salaketa kolektibo bat onartu du, Google Chrome nabigatzailearen erabiltzaileen datuak atzemateagatik, besteak beste.

Axier Lopez @axierL
2021eko maiatzaren 07a
Argazkia: Jens Meyer/AP

Ekainean aurkeztutako akusazioaren arabera, Googlek pribatutasun arauak urratu ditu, erabiltzaileen "komunikazioak atzeman, arakatu eta biltzeagatik". Horretarako Googlek hainbat tresna erabili izana leporatu diote, Google Analytics eta mugikorrerako aplikazioak, kasu. Google Chromeren "Nabigazio pribatua" aukera erabili dutenak ere ez dira Goggleren jarraipenetik salbu. Nabigazioa ezezaguna izateko aukera erabiltzailearen pribatutasuna eta segurtasuna babesteko funtzioa da, era horretan nabigatzaileek ez baitute gordetzen bisitatu dugun webguneari buruzko informaziorik. Edo, hobe esanda, hori dio teoriak. Googleren abokatuaren arabera, bere politikek "argi eta garbi diote nabigazio jarduerari buruzko informazioa biltzeko gai izan daitezkeela", modu horretan ere bai.

"Googlek ezin du ordenagailua edo telefonoa darabilten herritarren datuak ezkutuan eta baimenik gabe biltzen jarraitu", salatu du akusazioa. Horrelako jarraipenen bidez, "Googlek badaki zein diren zure lagunak, zure zaletasunak, zer gustatzen zaizun jatea, zein film ikusten dituzun, non eta noiz gustatzen zaizun erosketak egitera joatea, zein diren zure oporretako lekurik gogokoenak, zure kolore kuttuna, baita Interneten ikusi edo irakurtzen dituzun gauzarik intimoenak eta potentzialki desatseginenak ere".

Kaliforniako auzitegiak salaketaren inguruko lehen erabakia hartu du: Googleren nahiari muzin egin –akusazioa atzera botatzea– eta salaketak bere bidea jarraitzea- Hala, epaiketara iristeko aukerari atea zabaldu dio epaileak. Demandaren sustatzaileek Googleren "milioika" erabiltzaile batu nahi dituzte, akusazioa kolektiboa izan dadin. Salatzaileek 5.000 milioi dolar (4.190 milioi euro) eskatzen dituzte Kaliforniako pribatutasun legeak urratzeagatik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Google  |  Internet  |  Pribatutasunaren babesa

Google kanaletik interesatuko zaizu...


Azkenak EGILEA
Argia buletina
Egunaren laburpena
zure e-postan
Eguneraketa berriak daude