Gobernu akordioan euskararekiko helburuak gutxitu arren, Ollok dio “aurrekoa baino handinahiagoa” dela
Hala adierazi du Ana Ollo Memoria eta Bizikidetzako, Kanpo Ekintzako eta Euskarako kontseilariak Foru Legebiltzarrean, adostutako programan lehenagokoarekin alderatuz hiru puntu ezabatu eta beste zortziak aldaketarik gabe mantendu badira ere.
Datozen lau urteei begira, Nafarroako Gobernuko Memoria eta Bizikidetza, Kanpo Ekintza eta Euskara kontseilaritzak jarraituko dituen politikak aurkezteko batzordean, Ana Ollo sailburuak adierazi du “hizkuntzari dagokionez, akordio programatiko berria 2019koa baino anbizio gutxiagokoa dela diotenak oker daude”.
Adostutako neurriei erreparatuz, ordea, errealitatea oso bestelakoa da, txostena argitaratu eta gero Euskalgintzaren Kontseiluak abuztuan salatu zuen moduan. Izan ere, aurreko legealdiko akordioak euskararen inguruan jasotzen zituen hamaika neurrietatik hiru ezabatu baitira, eta gainerako zortziak berdintsu mantendu. Hala ere, Ollok esan du aurreko programa “askoz ere orokorragoa zela” eta kontrakoa diotenek ez dutela “sakonki aztertu”.
Honen erakusle gisa, Euskarabideak bultzatuko duen plan estrategikoa zonifikazioarekin amaitzearen aldekoa dela aipatu du. Baina nahi hori praktikara eramatea ezinezkoa dela argitu du, gaur egun neurri horren aldeko “gehiengorik ez dagoelako legebiltzarrean”, UPN, PSN, PP eta VOX kontra baitaude.
Kontseilariak foru gobernuaren barruan “dagoeneko publikoki agerian geratu diren desadostasunak” aitortu ditu. Inplizituki PSNri erreferentzia eginez, gogoratu du “europar erakundeek urteak daramatzatela Nafarroari eskatzen euskararekiko errespetuan aurrerapausoak eman ditzan” eta estatu mailan onartu berri dela hizkuntza koofizialen erabilera, euskara kasu, erakunde publikoetan.
Euskara sustatzeko neurriak
Ildo beretik, hizkuntza-politika “eztabaida alderdikoitik urruntzea” eta “oinarrizko adostasunetatik” abiatzea eskatu du Ana Ollok. Zentzu honetan, zin egin du gobernuak Bigarren Hezkuntzan A eta D ereduei jarraipena emango diela jadanik eredu horiek Lehen Hezkuntzan ezarrita dituzten ikastetxe guztietan, esate baterako, Tafallan edo Lodosan.
Era berean, iragarri du euskarak garrantzi handiagoa izango duela “administrazio publikoan lan egiteko esparruetan finkatzen diren merituetan” eta legealdiaren amaieran lanpostu horien %90ean euskara baloratuko dela, batez ere Osasunbidean.
Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]
Aurkeztutako egitarauan 55 ekitaldietatik sei bakarrik dira euskaraz: haurrentzat ipuin-kontalaria, hiru liburu aurkezpen eta bi hitzaldi.
Ingelesa, italiera, alemana eta frantsesaren eskaintza mantentzea edo handitzea erabaki du Nafarroako Gobernuko Hezkuntza departamentuak. Aldiz, euskara taldeak murriztu egin ditu, Hizkuntza Eskolaren irizpidearen aurka: "Badirudi Eskola enpresa pribatua balitz bezala... [+]
Iruñeko Lezkairu auzoan ikastetxe publiko berria eraiki dute –Paderborn-Lezkairu– eta ikasturte honetan hasi da lanean. Hizkuntzak Ikasteko Programako (PAI) ikastetxea da, eta gaztelaniaz eta hainbat ikasgai alemanez ikasteko aukera eskaintzen du, baina D... [+]