Gizarteak baztertuta sentitzen diren LGBT gazteei zuzendu zaie Tom Daley txapeldun olinpikoa
Heterosexual ez direlako etorkizuna ilun ikusten duten gazteei itxaropenerako mezua bidali nahi izan die Tom Daley kirolariak, Joko Olinpikoetan urrea irabazi berritan: “Ez zaude bakarrik”. Gizarte honetan lekuz kanpo daudela ez dezaten pentsatu, kirol munduan ere inportanteak baitira LGBT erreferenteak, identifikatuta sentitu daitezkeen haur eta gazteentzat.
Bai, inporta du norekin oheratzen zaren
10 metroko tranpolin jauzi sinkronizatuan domina lortzeak eman dion bozgorailua aprobetxatu du Tom Daley britainiarrak, munduaren aurrean. Bere adierazpenek oihartzuna izan dute eta “urrea lortu duela da inportantea, ez zeinekin oheratzen den” mezuak ugariak izan dira sare sozialetan. Baina bai, arlo batean erreferentea zarelarik armairutik ateratzeak mesede handia egiten die, besteak beste, sexu disidentzia ezkutuan eta beldurrez bizi dutenei, kanon hegemonikotik haragoko ereduak badirela ikustea beharrezko dutenei. Errealitatea erakusten digutena baino anitzagoa dela zabaltzea garrantzitsua baita.
“Gay eta txapeldun olinpikoa naizela esateaz oso harro nago. Gazteagoa nintzenean, uste nuen inoiz ez nuela ezer lortuko, naizena izateagatik. Beti sentitu nintzen bakarrik, ezberdin eta lekuz kanpo. Zerbaitek esaten zidan ez nintzela izango gizarteak espero zuena bezain ona. Desio dut edozein LGBT gaztek ikus dezala ez diola axola orain zer sentitzen duen, ez zaude bakarrik”, esan du Daleyk.
Gaiari lotuta:
Lehenengo aldiz armairutik atera da futbol amerikarreko jokalari bat NFL ligan
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Etxe honetan askok ezagutzen dute Elena Guinea: 2021eko abenduan aldizkariaren azalean agertu zen, titi bakarrarekin eta irribarretsu, alboan zituela Sandra Barkaiztegi eta Olatz Mercader. Iñurri elkartearen (Min)bizi podcastean entzungo zuten beste hainbatek —Argia... [+]
Santomasetan bi homofobok sudurra apurtu zioten 23 urteko gazte bati eta kasu horren harira hainbat galdera egin dizkio Elkarrekin Podemos-IUk Eusko Jaurlaritzari, LGBTfobiari aurre egiteko neurrien inguruan. Bilboko EHGAMek ere badu zer esana: "Zisheteronorma babesten... [+]
Eliza katolikoak abenduaren 18an argitaratu zuen Fiducia supplicans agirian bikote homosexualak bedeinkatzeko aukera eman zuen. Abenduaren 29an, beste agiri baten bidez, Marc Aillet Baionako apezpikuak Aita Santuaren hitzak bere modura interpretatu zituen. Bere elizbarrutiko... [+]
Eraildako Trans Pertsonen Behatokiak egindako “Trans hilketen monitorizazioa” txostenean 2021eko urriaren 1etik 2022ko irailaren 30era 44 herrialdeetan izandako 327 pertsona transen hilketak salatu dira.