"Gizarte eraldaketa sustatzeko" hedabidea sortuko dute Espainiako Estatuko hainbat komunikazio proiektuk
El Salto deituriko komunikabide berri bat sustatu du Diagonal egunkariak, eta Espainiako Estatuko 20 proiektu komunikatibo baino gehiago gehitu dira ekimenera. Sei hilabete iraungo duen kanpaina jarri dute martxan azaroaren 28an. Horren bidez, proiektua errealitate bihurtuko duen bazkide-basea osatuko da.
Hedabide sare bat baino gehiago da El Salto, Diagonal-ek adierazi duenez. Lankidetzan oinarritutako ekimena da, “kooperatzeko sortua eta ez lehiatzeko”. Baliabideak eta ideiak elkarbanatuko dituzte hedabideen artean. Modu horretan, gizarte eraldaketa sustatuko duen kalitatezko kazetaritza eskainiko dutela azaldu dute.
Komunikabide berriak egunero gaurkotuko den webgune bat izango du. Espainiako Estatuko lurralde guztien informazioa eskainiko dute bertan, eta ikus-entzunezko eduki ugari erabiliko dituzte horretarako. Horrez gain, paperezko aldizkari bat ere argitaratuko dute hilero.
Proiektuaren oinarri ekonomikoa bazkideen komunitatea izango da. Horrez gain, ekimena aurrera eramateko laguntza eman daiteke. Horretarako hainbat bide daude, besteak beste webgunean bazkide egitea, sare sozialetan kanpainari buruzko informazioa partekatzea #UnGranMedio traola erabiliz, eta El Salto-ren telegrameko kanalera batzea, edukiak zabaltzen laguntzeko.
Ekimeneko parte hartzaileen zerrenda gero eta luzeagoa dela adierazi dute. Oraingoz ondorengoek osatzen dute: Diagonal, Pueblos aldizkaria, AraInfo (Aragoi), Bostezo (Valentzia) eta Pikara Magazine (Euskal Herria) hedabideak; hainbat herri kazetak; El Salmón Contracorriente proiektua;; eta bideo lanketan aritzen diren Siberia TV, La Guerrilla Comunicacional eta Galiza Ano Cero kolektiboak.
Maiatzaren 18an, Gasteizen, egingo da mobilizazioa Aldatu gidoia euskararen alde lelopean. Kanpainan parte hartzen ari diren eragileek Eusko Jaurlaritzari eskatu diote euskararen aldeko politikak ezartzeko ikus-entzunezkoetan, eta EITBn beharrezko baliabideak jar ditzala... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da... [+]