Gipuzkoan ibili zen Emakumeen Mundu Martxa laugarren egunean
Laugarren egunez jarraian, Kurdistandik iritsitako karabana feministak Euskal Herrian barrena segitu du. Atzo Gipuzkoako hainbat herri pasa zituen martxak.
Oreretan hasi zuten eguna martxako kideek. 10:00etan ongi etorria eman zioten karabana feministari oreretarrek, eta herrian kutsatutako lur zati batera hazi ekologikoen bolak jaurtitzeko ekintza egin zuten. Ondoren, manifestazio jendetsua eta koloretsua egin zuten, eta kalejira eta lorategi baten irekierarekin agurra eman zioten martxari.
Zumaiara eguerdian iritsi ziren martxako kideak. Bertsoarekin egin zioten harrera karabanari, eta batukada feminista eta dantza afrikarrak izan zituzten goiza alaitzeko. Bazkaria herriko plazan egin eta gero martxak Hernani alderako bidea hartu zuen.
Han, ‘txoko’ ezberdinak antolatu zituzten karabanari ongi etorria emateko: munduko janarien txokoa, photocall-a, margotzeko txokoa eta “aldarrikapen txokoa”. Herritik barrena manifestazio jendetsua egin zuten, eta ekitaldiaren ondoren Tolosara abiatu zen martxa.
Eguna Tolosan amaitu zuen emakumeen martxak. Ongi etorria eta afaria izan zituzten bertan, hurrengo egunerako indarrak hartzeko.
Azken txanpan sartu da martxa
Asteburu osoan Euskal Herritik martxan jarraituko du karabana feministak, igandean Bilbora iritsi arte. Ostiralean Beasain eta Bergara pasa ondoren, Arabarako bidea hartuko du martxak: Agurain eta Gasteizen izanen da arratsaldetik aurrera.
Larunbatean, berriz, Bizkaiko herriak zeharkatuko ditu karanana feministak. Durangon sartuko da goizean, eta handik Gernika, Igorre eta Basauri pasako ditu.
Azkenik, igandean, Portugaleten eta Getxon geldialdiak egin ondoren, Bilbora sartuko da Emakumeen Mundu Martxa Euskal Herriko birari amaiera emateko. Egun osoko egitarau zabala antolatu dute Bilbon, eta Euskal Herri osoko emakumeei deia egin diete bertan parte hartzeko.
Bizikletada, mani-festa-akzioa, bazkaria, klownak, antzerkia nahiz kontzertuak, hamaika gauza izanen dira igandean Bilbon ikusi eta aldarrikatzeko.
Egitarau osoa martxaren webgunean ikus daiteke.
Larunbatean Donostian amaitu den "gerra eta kapitalismoaren kontrako" Euskal Herriko Emakumeen* Mundu Martxaren VI. ekintza izan da. Euskal Herriko Gazte Feministak Baterajotzea deitu du urriaren 31tik azaroaren 2ra, Zaldibarren. "Kaleak hartu eta konspirazio,... [+]
Maiatzaren 10ean egingo dute: Bardean hasi eta Donostiako manifestazioraino. Lurraren defentsa, migrazio politikak eta indarkeria matxista izango ditu ardatz.
Euskal Herriko Emakumeen Mundu Martxak indarkeria matxistari buruzko jardunaldiak egin ditu asteburuan Atarrabian. Sistema judiziala jarri dute ezbaian, justizia eta autodefentsa feministaren balioak aztertu dituzte.
Mugimendu Feministak biktimak izandako babesgabetasun egoera salatu du. Iruñean, Donostian eta Bilbon astearte arratsaldean deitu ditu mobilizazioak Emakumeen Mundu Martxak.
Feminist Asylum kanpaina abiatu dute Europa mailako hainbat mugimendu, talde, elkarte, alderdi eta sindikatuk. Euskal Herriko Emakumeon Mundu Martxak bat egin du kanpainarekin, eta herritarrei dei egin die berau babestera.
42 urteko gizon batek 37 urteko emakume bat hil du Gasteizen, eta bere buruaz beste egin ostean. Hilketa matxistaren aurrean mobilizazioak deitu dituzte Hego Euskal Herriko hiriburuetan. Honekin, bost dira aurten Euskal Herrian indarkeria matxistak hildako emakumeak.
Zubi guztien gainetik, mugarik ez! Transnazionalik ez! lelopean iazko urrian abiaturiko Emakumeen Mundu Martxaren Euskal Herriko V. ekintzari bukaera eman diote 400 bat lagunek martxoaren 6 honetan. Manifestazio koloretsu baten bidez Hendaia eta Irun lotuz eta muga... [+]
Dani Blanco ARGIAko argazkilariak argazkitan jaso du Emakumeen Mundu Martxako Nazioarteko V. ekintza.
Zubi guztien gainetik, mugarik ez! Transnazionalik ez! lelopean iazko urrian abiaturiko Emakumeen Mundu Martxaren Euskal Herriko V. ekintzari bukaera eman diote 400 bat lagunek martxoaren 6 honetan. Manifestazio koloretsu baten bidez Hendaia eta Irun lotuz eta muga... [+]
Martxoaren 6an egingo du Euskal Herriko Emakumeen Mundu Martxak V. Nazioarteko Ekintzaren amaiera ekitaldia, Irun eta Hendaia artean. Azaldu dutenez, "planteamenduan hainbat aldaketa egin ondoren, mugen eta transnazionalen kontrako mobilizazioa deitzea" erabaki dute... [+]
Larunbatean hasi zen ibilaldia herriz herri ibiliko da hilaren 27ra arte. V. Nazioarteko Ekintzari martxoaren 6an emango zaio itxiera Irun eta Hendaia arteko mugan.
Migrazio politikak eta transnazionalen jarduna salatuko ditu Euskal Herriko Emakumeen Mundu Martxak aurten, Nazioarteko V. Ekintzaren harira.
Hego Euskal Herriko lau hiriburuetan elkarretaratzeak egin dituzte urtarrilaren 22an, Euskal Herriko Emakumeen Mundu Martxak deituta. Aintzane Pujanarena hasi berria den urteko lehen hilketa matxistatzat hartua izan da.
Emakumeen Mundu Martxaren Nazioarteko V. Ekintza abiatu dute larunbatean Irun eta Hendaia arteko mugan, martxoaren 6a bitarte herriz herri ariko dena. Transnazionalak, mugak eta migrazio-politikak ikusmolde dekolonialetik behatzera animatu dituzte herritarrak.