Gipuzkoako Ekologistak Martxanek 'Atila Saria' eman dio Irungo udalari, Txingudi arriskuan jartzeagatik
Ingurumenaren Munduko Eguna dela eta, Gipuzkoako Ekologistak Martxan elkarteak urtero bezala 'Atila Saria' izendatu du Gipuzkoan ingurumena suntsitzen gehien ahalegindu direnen artean. 2021eko edizioan irabazlea Irungo Udala izan da, Bidasoa-Txingudiko estuarioaren gaineko hirigintza-presioa handitzeagatik, Txingudiko naturagune babestuaren kontserbazio-helburuak arriskuan jarriz.
Ekainaren 5a Ingurumenaren Mundu Eguna da Nazio Batuen Batzar Nagusiak 1972an hala ezarri zuenetik, ingurumenarekiko kontzientzia areagotzeko eta ingurumena babesteko ekintza globala sustatzeko asmoz Egun horretan Gipuzkoako Ekologistak Martxan elkarteak ebazten ditu 'Atila Sariak', lurralde horretako ingurumenari kalterik nabarmenena egin diotenen artean. V. mendearen lehen erdian Europaren erdia bereganatu zuen Atila hunoen erregeaz esan ohi da hain zela suntsitzailea ezen eta bere zaldiak zanpatzen zuen lurrean ez zela gehiago belarrik hazten.
Ingurumenaren krisia beren erabakiekin larriagotzen duten erakunde eta agintarien artean lehiatutako 'Atila Saria' 2021ean Irungo Udalari eman dio Ekologistak Martxanek, Bidasoa-Txingudiko estuarioaren gaineko hirigintza-presioa handitzeagatik, Txingudiko naturagune babestuaren kontserbazio-helburuak arriskuan jarriz. Ekologistek ohar batean zabaldu dutenez, "Irungo Udala hirigintza-proiektu gehiago egiten ari da eta egin nahi ditu etorkizunean, Bidasoako estuarioa atzera bueltarik gabe hondatuko duen eremu oso sentikorraren gaineko hirigintza-presioa areagotuko dutenak".
Salatu dutenez, apirilaren 30ean, Irungo Udalak akordio bat onartu zuen Pasquier Recondo enpresarekin honek Irunen dauzkan lurzoruak birkalifikatzeko konpromisoa hartuz. Horren arabera, orain arte industria-erabileratik eduki duten lurrak bizitegi-erabilerarako izatera pasatu eta Pasquier Recondok higiezinen promotore bati saltzekotan da 200 etxebizitza eta 245 aparkaleku-plaza eraikitzeko: "Lurzoru hori Hegaztiak eta Biodibertsitatea Zaintzeko Eremu Garrantzitsua den IBA 037 eremuaren barruan dago, eta mugakide ditu Txingudi-Bidasoa KBEa, Txingudi HBBE eta RAMSAR Txingudi Nazioarteko Garrantzizko Hezegunea", dio Ekologistak Martxanek.
Etxebizitzak eraikitzeko birkalifikatu nahi den lurzoruarekin muga egiten duten Txingudi-Bidasoko bi habitatak jada kontserbazio-egoera desegokian daude ebaluatutako parametro guztietan eta, beraz, leku horretan etxebizitza eta aparkaleku kopuru hori eraikitzeak kalte ekologiko itzulezina ekarriko lieke. Nahiz eta Irungo udalak erabakia justifikatzeko esan ez bakarrik txarra ez dela baizik eta zonaldea hobetzeko eta lehengoratzeko operazioa dela.
Erdizko meategiaren kontrako plataforma herritarrak aldarrikapen eta besta eguna antolatu du joan den larunbatean Elizondon. Heldu diren asteetan epaiketa ukanen dute Magnesitas Navarra enpresaren kontra. Hain zuzen, auziak eraginen dituen gastuei buru egiteko sustengu... [+]
Manifestazio jendetsua egin dute Altsasun AHTren lanak gelditzea eta gaur egungo trenbidea hobetzea eskatzeko.
Joan urteko udaberrian idatzi nuen intsusari eskainitako aurreneko artikulua eta orduan iragarri nuen bezala, testu sorta baten aurrenekoa izan zen. Sendabelar honen emana eta jakintza agortzen ez den iturriaren parekoa dela nioen eta uste dut udaberriro artikulu bat idazteko... [+]
Lurrari begira jartzea zaila da. Kosta egiten da. Landareekin lan egiten duenak maiz haiek bakarrik ikusten ditu. Etekina, uzta, ekoizpena, mozkina, errebenioa, emana, azken zurienean “porru-hazia” bezalako hitzak dira nagusi lur-langileen hizkuntzan.
Duela hamabi urte pasatxo ezagutu zuten elkar Izaskun Urbaneta Ocejok eta Ainara Baguer Gonzalezek, ingurumen hezkuntzako programa batean lanean ari zirela. Garaian, lurretik hurbilago egoteko gogoa zuten biek, teoriatik praktikara pasa eta proiektu bat martxan jartzekoa... [+]