Getxoko Udalak EH Bildu zigortu du Palestinari elkartasuna adierazteko mural bat egiteagatik
Getxoko EH Bilduk jakitera eman duenez, Udalak isun ekonomikoa ezarri dio, 2024ko azaroaren 29an, Palestinar Herriarekiko Elkartasunerako Nazioarteko Egunean, Villamonteko eskaileretan Palestinaren bandera marrazteagatik. Udal-zerbitzuek horma-irudia egin eta hiru egunera ezabatu zuten. Gertaera salatzeko elkarretaratzea egingo dute hilaren 28an, 20:00etan, eskaileretan bertan.
Koalizio abertzaleko iturriek azaldu dutenez, eskaileretako murala margotu eta sei hilabete geroago, EAJren eta PSE-EEren gobernu-taldeak EH Bilduri zigor ekonomikoa ezartzea erabaki du ekimen horrengatik. EH Bilduk salatu duenez, Udalaren erabakiaren helburua "Palestinako herriarekiko elkartasuna kriminalizatzea eta Palestinarekiko babes adierazpenak zigortzea da".
Halaber, gogoratu dute Udala ez dela gai izan "Gazan eta Zisjordanian bizi den egoerari inolako elkartasunik adierazteko: are gehiago, azken urtean, genozidio bat zuzenean ikusten ari garen bitartean, EAJren eta PSEren Gobernu Taldeak ildo honetatik EH Bilduk aurkeztutako proposamen guztiak baztertu ditu". Horren adibide dira, besteak beste, EH Bilduk aurkeztutako mozioa, bozeramaile batzordea batzeko eskaerari uko egitea, edo 2025eko udal-aurrekontuetan Palestinari laguntza humanitarioa bideratzeko emendakinari kontra bozkatzea.
"Ez dugu ulertzen Getxoko Udalak Palestinarekiko hartu duen jarrera ezkor hau, beste herri batzuetan alderdien arteko adostasunak lortu direnean, edo nazioarteko beste gatazka batzuen aurrean, Ukrainako gerra kasu, Getxoko Udalak berak bultzatutako kontzentrazioak deitu direnean gerra gaitzesteko eta Ukrainako herriari solidaritatea adierazteko", adierazi dute alderdi soberanistako kideek.
Era berean, deitoratu dute Getxoko gobernu-taldeak Palestinari elkartasuna adierazi beharrean prest dagoela "Palestinaren aldeko aldarriak zigortzeko, azken urtean 50.000 hildako eta milaka desplazatu egon diren arren".
Zigorrak gorabehera, EH Bilduk azpimarratu du ez diotela Palestinari buruz hitz egiteari utziko eta palestinar herriari solidaritatea eta babesa adierazten jarraituko dutela, baita Israeleko gobernua egiten ari den genozidioa salatzen ere. Era berean, gertatutakoa gizarteratzeko eta palestinarrei elkartasuna adierazteko elkarretaratzea egingo dute maiatzaren 28an, 20:00, Villamonteko eskaileretan bertan.
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Giza-katea antolatu du Subflubiala ez! plataformak eta hitzordua Artaza-Romo Institutuan jarri du gaurko 18:00etan. Bizkaiko Foru Aldundiak Ingurumen Inpaktuaren Adierazpena (IIA) aldatzea du helburu eta horrelakorik ez du onartzen plataformak.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Getxoko Udalak udaltzainen hamar lanpostu berri sortzea adostu du EAJ, PSE-EE eta PP alderdiek hitzartutako aurrekontuaren barruan. Hamar lanpostuetatik euskararen B2 maila bostek soilik egiaztatu beharko dutela adierazi du Udalak.
Hainbat emakume-langile esplotatu eta horiei sexualki eraso egin dieten jabeen taberna pinturaz margotu zuten ezezagunek domeka gauean Getxoko Areeta auzoan. Pinturaz gainera, aldarri bat ere margotu zuten ondoko horman: "Erasoen aurrean klase batasuna".
MOOR KRAD
Nork: Ertza konpainiak.
Noiz: urriaren 3an.
Non: Getxoko Muxikebarri aretoan.
---------------------------------------------
Bi urte atzera izan nuen Moor Krad obraren berri; hain zuzen, Ertza konpainiako kideek dantza pieza sortu eta estreinatu zuten... [+]
Hainbat poliziak aitortu dutenez, gazte magrebtarrak erreprimitzeko eskatu izan die udaltzain buruak. Algortako 'Ez Irentsi Arrazakeriaren Amua' plataformak udan salatu zuen gora egin dutela "magrebtarren aurkako jazarpen polizialak eta kontrolak",... [+]
Bilboko itsasadarraren bi aldeak ur azpitik lotu gura dituen tunela egiteko asmoa du Bizkaiko Foru Aldundiak, baina makroproiektuaren kalteak eta gastatuko den dirutza kritikatzen ditu Subflubiala Ez plataformak. Kanpaldia deitu dute asteburu honetarako, proiektua bertan behera... [+]
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Zapatuan, ehunka herritarrek parte hartu zuten Bizkaiko Foru Aldundiak itsasadarraren azpian egin gura duen tunelaren proiektua geldiarazteko exijitzeko manifestazioan. Subflubiala Ez plataformako deitzaileek 500 parte-hartzaile inguru zenbatu zituzten Getxoko Itzubaltzeta/Romoko... [+]
Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta... [+]
Adingabeetako bati ospitalean sexu eraso zantzuak aurkitu ostean heldu dira salaketak. Segurtasun Sailak jakinarazi du ikerketa abiatu duela eta lau salaketa jarri direla. Getxoko Europa ikastetxeak adierazi du irakaslea “zentrotik apartatu” duela eta... [+]
Erasoa frogatu dute polizia-etxeko bideo-grabazioei esker. Ebazpenaren arabera, agenteak emakumea “gehiegikeria argiz” heldu eta eraso egin zion. 12.400 euro ordaindu beharko dizkio ertzainak emakumeari kalte-moralengatik.