Getxoko gobernu-taldeak proposatutako HAPOan hainbat “lege-hauste” daudela salatu du Adi HAPO plataformak

  • Astelehenean amaitu da Getxoko gobernu-taldeak proposatutako Hiri Antolamenduko Plan Orokorrari (HAPO) alegazioak aurkezteko epea. Daborduko asko dira aldaketak eskatu dituzten norbanakoak, udal-taldeak eta eragileak, eta, horien artean, Adi HAPO plataformak agerraldia egin zuen zapatuan aurkeztuko duen helegitea publiko egiteko eta datorren martxoaren 25ean egingo duten mobilizazioa iragartzeko.


2023ko urtarrilaren 18an - 12:14

Getxoko Tosu estratako Uribe baserriaren aurrean egindako prentsaurrekoan, Adi HAPO plataformako dozenaka lagunek salatu zuten plan berriak inguruko landa-eremuak “erabat” urbanizatuko dituela. Era berean, gobernu-taldeak (EAJ eta PSE-EE) proposatutako HAPOan “hainbat lege-hauste” aurkitu dituztela salatu zuten: “Alde batetik, legeak ahalbidetzen duena baino 1.456 etxebizitza gehiago eraikitzea planteatzen du; bestetik, ez du etxebizitza sozialaren minimoa betetzen”. Hori dela eta, alegazio bat aurkeztuko dutela iragarri zuten, plana bertan behera gelditzeko eskatuz.

Hala ere, gogoratu zuten beste hainbat kontu ere badaudela HAPO horretan "aldatzeko", hala nola udalerriko berdeguneak babesteko beharra, Azkorri eta Kandelu inguruko natura guneak, besteak beste. Horrez gainera, azpimarratu zuten eraiki beharreko etxebizitza soziala alokairu sozialekoa izan beharko litzatekeela, “eta hori bultza daiteke eraikin berririk gabe, etxebizitza eta lonja hutsak alokairu sozialera bideratuta”. Azkenik, “benetako” prozesu parte-hartzaile bat aldarrikatu zuten, “ez baitzaigu onargarria iruditzen gure herriaren etorkizuna gutxi batzuek erabakitzea”.

Hori guztia dela eta, manifestazio bat iragarri zuten datorren martxoaren 25erako.


Kanal honetatik interesatuko zaizu: Hirigintza
“Bilboko eskola-inguru asko kutsaduraz eta zarataz betetako eremuak dira”

Porlanezko patio txikiegiak batetik, errepidez eta autoz jositako eskola-inguruak bestetik, Bilbon ikastetxe askok jasaten duen panorama salatu eta esku hartzeko eskatuz udalera jo du hiriko guraso elkarte andanak, indarrak batuta: “Gurasoak jo eta su ari gara eskoletan... [+]


Hiri eredu bizigarri baten aldeko manifestazioa egin dute ehunka lagunek Donostian

Donostiako hainbat auzo elkarte eta gizarte mugimenduk osatzen duten Donostia Defendatuz koordinadorak antolatuta, hiri eredu bizigarri baten aldeko manifestazioa egin dute igandean ehunka lagunek. 42 talde sozial eta auzo elkartek egin dute bat deialdiarekin, eta 12:00etan... [+]


Olaia Beroiz: “Emakume errepresaliatuen kemena gogoratzea ezinbestekoa da”

Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]


2024-02-29 | Estitxu Eizagirre
Nola elikatu hiriak?
Hiriko parkeetan zergatik ez fruta arbolak eta barazkiak landu zuzenean biztanleentzat?

Hiriak nola elikatu? Horra Egonarria saioan Eli Pagolak Audrey Hoc laborariari luzatu dion galdera. Hoc-ek, bere lagun Aimar Rodriguezekin batera, fruitu arbolak ekoizten ditu, Etxalarren baso jangarria dauka eta Biriatuko udalarekin elikadura burujabetzaren estrategia martxan... [+]


Frankismoak errepresialatutako emakumeen izenez jantziko dira Txantreako karrikak

Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.


Eguneraketa berriak daude