Gerrek txikitutako hiriak, bat eginda
Gerrek Suntsitutako Hirien Topaketak” antolatu dituzte Donostian, hilaren 21ean. Bizikidetza eta bakea ardatz, etorkizuna izango dute hizpide bertaratutakoek.
Donostiari su eman eta berreraiki zuteneko berrehungarren urteurrena ospatzen dute aurten. Horrexegatik, antzeko prozesu historikoak bizi izan dituzten hiriekin jardunaldiak egingo dituzte, gatazka ikupegi “baikorrarekin” gainditzeko moduen inguruan hausnartzeko
Honako hiri hauen esperientziak landuko dituzte: Granollers, Gernika-Lumo, Wroklaw, Milan, Sarajevo, Dresden eta Madril.
Gogoetaz gain, beste hainbat helburu ere finkatu dituzte: gizartearen eta instituzioen arteko konpromezua lortzea; balioetan oinarritutako hezkuntza sortzea; eta “bakearen kultura” bultzatzea.
Makina bat hitzaldi antolatu dituzte. Besteak beste, Hiria berreraikitzen: etorkizunari beste begirada bat balioen ikuspegitik solasaldia, zenbait adituren eskutik; Bakearen kulturaren sustapena Granollerseko Can Jonchek eskainia; eta Bizitza 1937ko bonbardaketa eta gero Luis Iriondok zuzenduta.
Egitarau osoa Donostiako Estrategia Bulegoaren weg orrian.
Jardunaldiak Kursaal Kongresu Jauregian izango dira. Doakoak dira, baina toki mugatua dela eta, aldez aurretik eman behar da izena, planestrategikoa@donostiafutura.net helbidean.
Iritsi da berriz ere abuztuak 31. Donostiarrentzat data beltza. Egun horretan orain 202 urte, 1813an hiria suntsitu, 1.600 pertsona inguru hil, hiriko ia emakume guztiak bortxatu eta lapurreta erraldoia egin zuten espainiarren aliatu ziren armada ingeles eta portugesek.
Aliatuek Donostia suntsitu eta egun gutxira Zubietako bileran hiria berreraikitzea erabaki arren, hondamendiaren ondorioak hurrengo hilabeteetan eta urteetan nozitu ziren. Donostiarrek laguntzarik gabe, arpilatuta eta epidemiek jota ekin behar izan zioten hiria... [+]