Genero indarkeriagatik sei salaketa jarri dira egunero Nafarroan aurten

  • Urtarriletik ekainera jarri diren salaketak iazkoak baino %44 gehiago izan dira: guztira, 1.011 salaketa.  

Euskalerria irratia @fm983irratia
2017ko urriaren 24a

Urte beltza izaten ari da. Egunero sei dira emakumeek (gehienetan) jarri dituzten salaketak genero indarkeria kasuengatik. Urtarriletik ekainera aztertutako datuek diote 1.011 salaketa jarri direla denera, iaz tarte horretan baino %44 gehiago –2016an 703 salaketa izan ziren epe horretan–. Hilabeterik larrienak apirila eta ekaina artean izan ziren, tarte horretan salaketa kopurua handitu egin zelako %65. Eta gogoratuko dugu gainera, indarkeria matxistak hildako emakume bat ere izan dela Nafarroan aurten: Blanca Esther Marques Burlatan hil zuen bere bikotekideak eta egun batzuetara Arga ibaian aurkitu zuten emakumearen gorpua. 

Salaketa gehiago egoteak ez du zertan esan nahi indarkeria matxista kasu gehiago daudela. Baizik, adituek diote sentsibilizazio handiagoa dagoela, kontzientziazioa eta ikusgarritasun handiagoa. Horrek bultzatuta indarkeria sexista pairatzen duten emakume gehiagok jotzen dute salatzera baita oro har gizarteak ere. Iruñeko Abokatuen Kolegioko kide eta Genero Indarkeria pairatu duten emakumeen koordinatzaile Maria Isabel Martinezek zera dio: "Emakume gazteenek badituzte tresnak halako indarkeria kasuak ekidin edo ematen badira nola erabili jakiteko, baina aldi berean kezka sortzen du, gero eta emakume gazteagok bizi dituztelako halako erlazio dependienteak". 

Indarkeriak aurpegi asko ditu

Indarkeria ez da bakarrik fisikoa izaten, nahiz eta, salaketa gehienen atzean baden kolpeekin zerikusia dituzten kasuak. 102 emakumek eskatu zuten apirila eta ekaina bitartean euren bikotekide edo bikotekide ohiengandik urruntze agindua: 63 emakumeri ezarri zieten urruntzea. 402 kasutan lesioak eta tratu txarrengatik, askatasunaren kontrako jarrerengatik 67 salaketa, bat homiziodioarengatik, osotasun moralarengatik beste bat, intimitatearen kontra beste bi, 22 ezarritako zigorrak hausteagatik, 61 beste zigor batzuk betetzeari uzteagatik eta 4 familia eskubideengatik.

Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Indarkeria matxista  |  Nafarroa

Indarkeria matxista kanaletik interesatuko zaizu...
2018-10-23 | ARGIA
Iruņeko sutean zauritutako emakumea hil da, pairatutako indarkeria matxistaren ondorioz

Orain astebete izandako sutean zauritu zen emakumea eta ordutik Zaragozako (Aragoi) Miguel Servet ospitalean egon da, asteartean hil den arte. Gizona atzo espetxeratu zuten behin-behinean.


2018-10-22 | ARGIA
Bi eraso matxista eman dira asteburuan, Barakaldo eta Bilbon

Sexu erasoak izan dira biak. Kasu batean zein bestean, erasoa jasan duen emakumeak salaketa jarri du.


2018-10-19 | ARGIA
Adingabe bati sexu erasoak egiteagatik atxilotu dute gizonezko bat Bilbon

Lakuako Segurtasun Sailak jakinarazi duenez, erasoa jasan duen emakumeak erasotzaileak lan egiten zuen zentro berean ikasten zuen.


2018-10-17 | ARGIA
Iruņeko sutea indarkeria matxista kasu bat izan daiteke

Hipotesi hori darabil gertakaria ikertzen diharduen Espainiako Poliziak. Hala bada, ikerketa bere gain hartu zuen instrukzio epaileak Emakumeen aurkako indarkeriaren arloko epaitegira bideratuko du kasua.


2018-10-10 | ARGIA
Bilbon adingabe bati egindako sexu erasoa salatu dute

Bilboko etxebizitza baten eman da erasoa, eta Ertzaintza gertatutakoa ikertzen ari da. Gasteizen aldiz, gizonezko bat atxilotu dute bikotekide ohiari eraso egiteagatik.


2018-10-09 | Aiaraldea.eus
Dozenaka herritar kalera atera dira, Laudion salatu duten eraso matxistaren kontra

Eraso matxista salatu du emakume batek Laudion. Astelehen goizean eta arratsaldean egin dituzte elkarretaratzeak, dozenaka lagunen babesarekin. Laudioko Udalak eta mugimendu feministak gogor arbuiatu dute gertatutakoa.


2018-10-08 | ARGIA
Azaroaren 7an jakingo da Iruņeko talde bortxaketaren epaiaren kontrako helegiteen ebazpena

Behin ebazpena publiko egindakoan, auziaren gaineko sententzia hilabeteren buruan emango da jakitera.


2018-10-03 | ARGIA
Bi emakumek eraso matxistak jasan dituzte, Durangon eta Urnietan

Durangoko kasuan, erasotzailea emakumearen bikotekidea da. Urnietakoan, aldiz, bikotekide izandakoa. Azken honek emakumearekiko urrutze-agindua zeukan ezarrita.


2018-09-28 | ARGIA
Emakume bizkaitar baten bi alabak hil ditu bikotekide ohiak

Asteartean hil zituen Castellon (Espainia) 3 eta 6 urteko alabak, eta ondoren bere buruaz beste egin zuen.


2018-09-28 | ARGIA
Drogatu eta bortxatu egin dutela salatu du emakume batek Bilbon

Ertzaintzan salaketa jarri du ostegunean emakume batek, asteazkenetik ostegunerako gauez sexu erasoa jasan ondoren.


Eguneraketa berriak daude