Emakumeak borrokan
Joseba Asiron

"Gauzak beste modu zintzo eta jator batean egin daitezkeela erakutsi dugu"

  • Eskuin mediatikoak eta politikoak diotenaren aurka, Joseba Asiron alkateak Iruñeko jendartea lasai dakusa, Euskalerria Irratiari bere bulegoan eskaini dion elkarrizketan azaldu duenez: "Iruindarrek hasieratik normaltasunez eta lasaitasunez hartu dute aldaketa, UPNk eta PSNk kaosa iragarri bazuten ere. Legealdiko irakaspen nagusia hori da, gauzak beste modu zintzo eta jator batean egin daitezkeela"

Euskalerria irratia @fm983irratia
2019ko apirilaren 12a

Elkarrizketa hau Euskalerria Irratiak egin du eta Creative Commons lizentziari esker ekarri dugu.

Asiron kontent azaldu da azken lau urteotan egindako lanarekin: "Legealdiaren balorazioa oso ona da. Zorra murriztu dugu eta gastu soziala %40 handitu. Parte hartzean, euskararen alorrean aurrerapauso handiak eman ditugu. Berdintasunean eta memorian aitzindariak gara Estatuan".

Itzalak, lauko gobernuaren amaieran

Haren aburuz, argiak nagusi izan dira azken lau urteotan, baina itzalik ere badakusa: "Lauko gobernua legealdiaren amaierara arte ezin eramatea da niretzako legealdi honetako okerrena". Hiru urtez lorturiko adostasunaren balioa ere nabarmendu du: "Lau indarrak oso ezberdinak gara, eta hori dena gobernu batean sartzea ez da erraza. 2017ko maiatzeko Eginoren eta Cuencaren prentsaurrekoan, hauteskundeei begirako urduritasuna sumatu nuen".

Asironek argi dauka, aldaketak aurrera eginen badu, lau indarron adostasunarekin izanen da: "Guztiok ikasi behar dugu egindako akatsetatik, aldaketarekin segitzeko. Datozen hauteskundeetan IEren eta Aranzadiren esparru soziopolitikoa oso garrantzitsua izanen da aldaketarako".

Aldaketaren erritmoaren inguruko desadostasunak aipatu dira maiz lau indarren artean. Asironek dio garrantzitsua ez dela abiada: "Aldaketa azkarrean baino, nik aldaketa sakonean sinesten dut. Benetako aldaketa atzerabiderik gabea da. Eta hori gauzak behar bezala planifikatu eta garatzen direnean gertatzen da".

Oposizioa, "noraezean"

Nolanahi ere, Asironen irudikoz, maiatzeko hauteskundeetan aldaketa beste behin ere gaildenduko da: "Konbentzituta nago duela lau urte aldaketaren alde egin zuen jendeak berriro eginen duela. Erakundeetako aldaketa aldaketa soziologiko sakon baten ondorioa izan da".

Era berean, oposizioa noraezean dakusa. PSN, behin eta berriz UPNrekin lerraturik. Eta UPNk bultzaturiko koalizioa, kontraesanez josia: "Navarra Suman elkartu direnek ez dute proiektu politiko komunik. Boterea berreskuratzeko nahiak, horrek soilik batzen ditu".

Gai zehatzagoez ere mintzatu da euskaldunon hiri buruzagiko alkatea Euskalerria Irratiarekin. Konparaziora,  Maravillas Gaztetxeaz: "Alde Zaharrean gazteentzako leku bat behar da, Oscus edo beste bat, baina berme guztiekin. Gazteek barne prozesu bat egin behar zutela esan ziguten, eta horretan ariko dira".

Erorien Monumentua ere hartu du hizpidetzat, eta haren etorkizunari buruzko iritzi pertsonala ere eman du: "Monumentuaren esanahia aldatzeko botatzea ez da beharrezkoa. Gakoa ez da botatzea, baizik eta hiriaren gune garrantzi horri zein erantzun ematen diogun".

Labriteko pasarelarekin egin beharrekoaz, zalantza izpirik ez du Asironek: "Hiru txosten dauzkat mahai gainean, eta denek argi uzten dute ahalik eta lasterren desmuntatu behar dela. Gainontzekoa literatura da".

Bestalde, gaur goizean hainbat alderdiren egoitzetan azaldu diren pintaketei garrantzia kendu die: "Pintaketak arbuiatzen ditut, berdin zait noren aurkakoak diren. Baina fundamentu gutxiko pertsona bat eta esprai bat besterik ez da behar horrelakoak egiteko. Ez zaie garrantzi handirik eman behar".

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Nafarroako politika  |  EH Bildu  |  Iru˝ea

Nafarroako politika kanaletik interesatuko zaizu...
2019-04-08 | Xabier Letona
Banderazok ausardiaz egin dio aurre Korrikako lekukoaren ikurrinatxoari

Asteburuan ezagun egin dira Korrikako beheko argazki hau edo honen antzerakoak, larunbatean Joseba Asiron Iruñeko alkateak Korrikaren lekukoa jaso baitzuen Iruñeko Udal plazan. Milaka pertsona izan ziren une eder eta hunkigarriaren lekuko.

 


2019-04-07 | Fermin Erbiti
"Trinitate santua"-k ez du misteriorik

Javier Esparzak nafar eskuindarrak zerrenda bakarrean bildu izana apustu ausarta eta argia iruditzen zait. Hirurak bat-en alde egin du, jokaldia borobilduko lukeen azken mugimendua amets, alegia, Vox-ek zerrendarik ez aurkeztea. UPNkoak batasunaren berri eman zuenetik, kritika anitz jaso ditu. Nondik? Aurkari politikoengandik, abertzaleengandik batez ere. Eskuindarrentzat apustu ona den seinale.

Bada zerrenda bakarraren ondorioz UPNn arrakala iragarri duenik, foruen aurka dagoen... [+]


Uxue Barkos
"Nafar gizartean aldaketa sakona gertatu da"

Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan  gizartean gertatu den aldaketa sakona”, adierazi du Barkosek, Euskalerria Irratiak Nafarroako Jauregian egin dion elkarrizketan.


Nafarroako Gobernuak LGTBI+ Kontseilua sortu du

Nafarroako LGTBI+ Kontseilua sortu du Nafarroako Gobernuak gaurko bileran onartutako foru-dekretuaren bidez. Horrela betetzen da 2017ko LGTBI+ pertsonen berdintasun sozialerako legeak agintzen zuena. LGTBI+ taldeak, gazteria, adineko pertsonak, sindikatuak eta FNMC, besteak beste, egonen dira ordezkatuta kontseilu berri honetan.


2019-03-27 | Guaixe .eus
"AHT-k Sakanako bailara desegituratuko du"

Sakana Trenaren Alde, AHTrik ez! taldeak, larunbatean 18:00etan eginen den manifestazioa aurkeztu du.


2019-03-24 | Santi LeonÚ
GAIZKI ERRANKA
Gutuna Olentzerori

Aurten badakit zer eskatu Olentzerori, baina, martxoan egonda ere, uste dut berandu nabilela. Hauexek, nire eskaerak: aldaketaren aldeko alderdien partetik, erabakiak hartzeko ausardia handiagoa eta paktatzeko milikeria gutiago. Bai, asmatu duzue, eskuin unionistari kopiatu dizkiodan gauzak dira. Hirugarren eskaera bat ere ebatsi diot: Olentzero maitea, gure aldeko think tank bat nahi nuke.


Polizia-abusuen biktimak aitortzeko legea onartu du Nafarroako Parlamentuak, beste behin

Legealdi honetan bigarren aldiz onartu dute eskuin muturraren eta polizia-indarren biktimak aitortzeko legea, aurrekoa Espainiako Konstituzio Auzitegiak baliogabetu egin baitzuen. Oraingo legeak izaera administratiboa izango du eta epai judizialak kontuan edukiko ditu.


2019-03-17 | Xabier Letona
Mikel Buil | Ahal dugu-ko foru parlamentaria
"Zonifikazioa eztabaidara atera da, gainerakoa hurrengo legealdirako da"

Iruñea, 1979. Aktibismotik instituzioetara jauzi eginez, Ahal Duguko parlamentaria da Nafarroako Legebiltzarrean. Talde parlamentarioa bitan zatitu da: zazpitik lau parlamentariok Orain Bai sortu dute eta beste hiruk Ahal Dugun jarraitzen dute, tartean berak. Banaketa latza izan da, mindua eta akitua dago, baina hautes-gudu berri batean murgiltzeko prest: bera da Ahal Duguren lehendakarigaia Nafarroako foru hauteskundeetan.


2019-03-14 | Xabier Letona
Aitziber Berrueta: "Espainiako gobernu batek gizartea berotu zuelako hil zintuzten aita"

Angel Berrueta eta Kontxi Sanchiz oroitu zituzten atzo Iruñeko Donibane auzoan, haien heriotzaren 15. urteurrenean. Espainiako polizia batek eta bere semeak hil zuten Berrueta, martxoaren 11ko Madrilgo atentatuetatik bi egunera, gizonak bere okindegian ETAren aurkako kartel bat jarri nahi izan ez zuelako.


NATOk Euskal Herria ere suntsitzen du

Ameriketako Estatu Batuek 750 base eta misio militar dituzte munduko 128 herrialdetan. Ez gara obsesio militarista eta inperialista horrek sortutako gerrak zerrendatzen hasiko, baina tamalez horien guztien konplize bihurtu gintuzten duela 33 urte.


Azkenak
EGILEA
Eguneraketa berriak daude