Gasteizko Zentro Sozialistaren desalojoa geldiarazteko manifestazioa deitu dute

  • Laboral Kutxak Monseñor Estenagako Dia supermerkatu zaharrean maiatzean sortutako Gasteizko Zentro Sozialista desalojatu nahi du. Mugimendu sozialistak manifestazioa deitu du irailaren 12rako, kreditu kooperatibari negoziatzea exijitzeko.

Artikulu hau CC BY-SA 3.0 lizentziari esker ekarri dugu.

2021eko irailaren 01an - 15:18
Azken eguneraketa: 17:20
Gasteizko Kontseilu Sozialistak maiatzean okupatu zuen lokala. / Argazkia: @Kontseilua_Gast

Kontseilu Sozialistak eta Erraki sareak astearte honetan egindako prentsaurrekoan salatu dutenez, Gasteizko Zentro Sozialistaren aurkako utzarazte agindua irailaren 15erako igorri du epaitegiak, eta bertan behera uztea exijitu diote Laboral Kutxari.

Izan ere, gaur egun Laboral Kutxa da Monseñor Estenaga kaleko lokalaren jabea aurreko jabearen zorrak kitatzeko exekuzio hipotekario baten ondorioz. 2016tik hutsik eta erabilerarik gabe izandako Dia supermerkatu zaharra aurtengo maiatzean okupatu zuen Gasteizko Kontseilu Sozialistak, proiektu berria abiatzeko.

"Desalojo prozesuan atzera egin eta espazioaren erabilerarako terminoak negoziatzeko esertzera" dei egin diote Mondragon Taldeko kreditu kooperatibari. Horretarako, irailaren 12an manifestazioa deitu dute Gasteizen, Laboral Kutxa, desalojoa gelditu! lelopean; 18:00etan abiatuko da Andre Maria Zuriaren plazatik.

Mugimendu sozialistaren espazioa

2020ko abenduan sortutako Gasteizko Kontseilu Sozialista erakunde politikoak Gasteizko Zentro Sozialista izeneko espazioaren irekieraren berri eman zuen aurtengo maiatzean. Bost urte hutsik zeraman lokala okupatu zuten, "antolakuntza komunista indartzeko", "proletalgoaren bizi baldintzak hobetzeko" eta horretarako "espazio propioak" sortzeko, besteak beste.

900 metro koadroko espazio berriari hiru funtzio nagusi eman dizkiote orduz geroztik: Etxebizitza Sindikatuaren elikagai biltegia bertara mugitu da, larrialdi egoeretarako etxebizitzak egokitzen ari dira bertan eta mugimendu sozialistaren jarduna biltzen duen plaza bilakatu da, hainbat hitzaldi, asanblada, tailer, kontzertu eta formakuntza saio antolatuz.

"Jabearen utzikeria dela eta, espazioaren egoerak okerrera egin zuen: itokinen ondorioz urez beteta egon da, hormak izorratu zaizkio, elektrizitate sistema hondatu zaio... Horixe da sistema kapitalistak dakarrena, espazioen kalitatea horien errentagarritasun ekonomikoari azpiratuta dagoela erabat", azaldu dute gaurko prentsaurrekoan.

Interes ekonomikoak eta politikoak

Hiru hilabete beranduago iritsi da desalojo arriskua, eta "gizarte kapitalistan aurkitzen diren bi posizio antagonikoen arteko gatazka bat gorpuzten" ari dela deritzo Kontseilu Sozialistak: "Alde batetik, jabetza pribatua, eta, bestetik, jabetza eza; alde batetik, espazioen merkantzia forma, eta, bestetik, espazioen erabilera balioa; alde batetik, kontrol kapitalista, eta, bestetik, langile kontrola".

"Alde batetik, Laboral Kutxa banketxearen interes ekonomikoak daude, zeinak nahiz eta bere izaera sozialaren apologia etengabea egin, arrakastatsua den proiektu soziala desalojatu nahi duen dirua metatzen jarraitzeko. Bestetik, Gasteizko Mugimendu Sozialistaren interes politikoak daude, zeinak espazioa goitik behera berritu eta proletalgoaren antolakuntza independentearentzat erabilgarri izango den gune bihurtzen ari den", kontrajarri dute.


Kanal honetatik interesatuko zaizu: Gizartea
2024-05-30 | Hiruka .eus
Adingabeen sexu-erasoak salatzeko bide seguru eta eraginkorrak aldarrikatu dituzte Getxon

Europa ikastetxeko sexu-abusuak salatzeko eta umeei eta euren senideei babesa adierazteko elkarretaratze jendetsua egin dute asteazkenean, Getxon, Malakate parkean. Algortako Mugimendu Feministak deituta, deitoratu dute haurren kontrako indarkeria ez dela anomalia bat, eta... [+]


A30eko greba feminista orokorraren harira, hiru grebalari deitu dituzte deklaratzera

 Azpeitiko epaitegian deklaratu beharko dute ekainaren 5ean. Zumaia eta Zarautz arteko A-8 autobidearen mozketari loturik, "desordena publikoa" egozten diete. Egun berean 09:50ean elkarretaratzea eginen du mugimendu feministak, elkartasuna adierazteaz gain,... [+]


2024-05-30 | dantzan.eus
Emakumeak euskal dantzan: nondik gatoz eta nora goaz?

"Guri bizitza joan zaigu espaloitik begira". 80 urteko emakumearen arrangura iltzatuta geratu zitzaion Josune Zubeldiari. Hainbat belaunalditako bost emakumek hartu dute hitza emakumeek dantzetan, herriko taldeetan eta errituetan izan dituzten borroka, aldaketa eta... [+]


EHUko talde bat elkarlanean dabil genozidioarekin lotutako institutu israeldar batekin

Ahoztar Zelaietaren ikerketa batek argitu du EHUk lotura duela palestinarren etxeak botatzeko erabiltzen diren ‘bulldozerrak’ garatu dituen institutuarekin. Unibertsitate publikoak apirila bukaeran esan zuen harremanak etengo zituela Palestinako sarraskia espreski... [+]


Eguneraketa berriak daude