Bigarrenez Gasteizko Talka hustu du Ertzaintzak bi lagun atxilotuz, 21:00etan elkarretaratzea deitu dute

  • Ertzaintzak Gasteizko Talka gune autgestionatu feminista hustu du ostiral goizean eta barruan zeuden bi ekintzaile atxilotu ditu. Bizilagunek jakinarazi dute inguruko atarietan sartu direla ertzaintzak, irudiak grabatu dituztenak identifikatzen saiatzkeo. Talkak ARGIAra bidalitako oharrean elkarretaratzea deitu du 21:00etan Plaza Berrian, segurtasun neurriak zainduz.

Talkako ekintzaileetako bat atxilotu duten momentua.

2020ko maiatzaren 15an - 08:55

Maiatzaren 8an desalojatu zuten lehenengoz Gasteizko Alde Zaharreko Talka espazio feminista. Ertzaintzak bi atxilotu eta jende ugari identifikatu zituen. Talkak salatu zuen Ertzaintza "legez kanpo" sartu zela espazioan, ez baitzuen agindu judizialik. Lokala udalarena zen baina Adolfo Dominguez enpresak erosi zuen 2006-2007 artean, 79.000 euroren truke. Desalojoaren aurretik enpresa horretako langileak kideei sarrera galarazten saiatu ziren, baina hori egitea "legez kontrakoa" zela adierazi zietenean joan egin ziren.

Lehenengo desalojotik astebetera, maiatzaren 15ean, izan da bigarren dealojo saiakera. Talkak hara joateko dei egin die herritarrei, elkartasuna adierazteko. Ertzaintza Talka gunera sartu eta barruan zeuden bi ekintzaileak atera eta atxilotu ditu. Usurpazio delitua egotziko dietela adierazi dute. Talka inguruetako bizilagunek salatu dute gertatutakoaren irudiak grabatu dituztenak identifikatu dituztela, baita, bigarren honetan ere agindu judizialik gabe sartu direla ere.

Bi ekintzaile zeuden espazio barruan: "Gu barruan gaude beraz ezin dute tapiatu. Bigarren saiakera ilegala da, gaur ere orden judizilik gabe etorri dira", adierazi dute Twitter bidez. Ateko kateak moztu eta ekintzaile horien erretenitu dituzte. Herritarrei dei egin diete Hedegile kalera joateko "paseatzera". Ertzaintzaj kalean jendea identifikatu duela ere salatu dute.

Ertzaintzak Talka barruan sartu eta bi ekintzaileak atxilotu ditu. Ertzain batek esandakoaren arabera, usurpazio delitua egotziko diete ekintzaileei. Bizilagunek salatu dute irudiak grabatu dituztenak identifikatu dituela Ertzaintzak.

Talkaren erantzuna: 21:00etan elkarretaratzea

ARGIAra helarazitako oharrean, gune autogestionatu feministako kideek goizean gertatutakoaz beren irakurketa egin dute. Polizia-operazioaz kexu zen bizilagun baten etxebizitzara ertzainak sartu direla ere salatu dute, eta hau bere etxean identifikatu dutela. "Bideoak aztertzen eta irudiak nondik grabatu dituzten kalkulatzen ere ibili dira".

Talkatik zabaldu duten kartela.

"Behingoz auzoa saltzeari uzteko eta bizilagunak defendatzeko" eskatu diote Urtarani, "espekulatzaileak defendatzeko baliabide publikorik ez jartzeko" ere bai. Korreria kaleko 33 zenbakiko lokalak Adolfo Dominguezen eskuetan nola amaitu zuen argitzeko eskatu diote alkateari, "interes pribatuak defendatzeko baliabide publikoak" erabiltzen jarraitzen duela aurpegiratuz.

Ostiral arratseko 21:00etan elkarretaratzea deitu du Talkak Plaza Berrian. Segurtasun neurriak mantendu behar direla gogorarazi dute, "uko egin gabe auto-defentsa kolektiboari". Plaza betetzeko deia egin dute udala interpelatzeko helburuarekin.

 


Kanal honetatik interesatuko zaizu: Okupazioa
2024-05-14 | Hala Bedi
Gasteizko Alde Zaharreko etxe okupatu bat hustu du Udaltzaingoak

Zazpi urtetik gora okupatuta eman ondoren hustu egin dute Aiztogile kaleko 92. zenbakia.


2024-05-14 | Irutxuloko Hitza
Desokupako bi gizon Donostiako etxe bat ilegalki husten saiatu dira

'Desokupa kanpora' lelopean, elkarretaratzea egin dute larunbatean, etxebizitzaren aurrean.


2024-04-23 | Gedar
Berriz lortu dute Berangoko Otxantegi Herri Lurren hustea geratzea

Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.


2024-04-17 | ARGIA
Berangoko Otxantegiko nekazal lurren desalojoa gelditzen laguntzeko deia egin dute

Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]


Eguneraketa berriak daude