Gasteizko Talka espazio feminista desalojatu dute
Ostiral arratsaldean, Udaltzaingoa, Ertzaintza eta hainbat langile bertaratu dira Talka espazio feminista desalojatzeko; Hedegile kalean okupatutako lokalaren barruan zeuden kide guztiak kanporatu eta sarrera itxi dute.
Arratsaldeko 17:30ak aldera, lokalaren jabe legala den Adolfo Dominguez enpresako langile batzuk sarrera estaltzen saiatu dira, baina egun hauetan barruan egon diren Talkako hainbat kide iritsi dira, "agindu judizialik gabe" desalojoa "ilegala" dela ohartarazteko; langileek alde egin dute orduan.
Berriro sartzea lortu dute Talkako kideek, eta desalojoa eten egin dute hasiera batean; hala ere, Ertzaintzak kide guztiak kanporatu eta desalojoa gauzatu ondoren, kanpoko pertsiana giltzarrapoz itxi dute.
20:00etatik aurrera bertaratzeko eta espazioa "defendatzeko" deia luzatu dute. Horretarako, "osasun neurriak errespetatuz" Hedegile kaletik paseatzea eta "zarata egitea" proposatu dute.
Atxiloketak eta identifikazioak protestetan
Ertzaintzak gutxienez bi pertsona atxilotu eta identifikazio ugari egin ditu desalojoaren aurkako protestetan. Gainera, Hala Bediko kazetari bat identifikatu eta telefonoa kendu diotela salatu dute.
Desalojoa "ilegala" dela salatu du Talkak
ALEAri azaldu diotenez, lokala tapiatzeko saiakeraz 17:30ean jakin dute Talkako kideek, eta "desalojo ilegala" deritzotena geldiaraztera hurbildu dira: "Abendutik daramagu espazioari bizia ematen eta ez zaigu inolako prozedura legalik jakinarazi gure jarduna bertan behera uzteko", ziurtatu dute.
Atea tapiatzen ari zen langile bati agindu judiziala eskatu diote, baina agindurik ez zuenez alde egin duela azaldu dute Talkako lagunek. Ertzaintzaren hainbat patruila bertaratu dira, baina ordurako langileak ez zeuden bertan.
Adolfo Dominguezen langileek zerraila hautsi dutela ziurtatu dute Talkatik; eta hori "aprobetxatuz", polizia Talka espaziora sartzen saiatu dela diote.
Barruan zeuden kideak identifikatu dituzte, eta Herritarren Segurtasunerako Legea -Mozal Legea- aplikatuko zaiela ohartarazi die Ertzaintzak, alarma egoeran bizitokik kanpo egoteagatik. Usurpazio delitu bat ere leporatu diete.
"Alarma egoera gure kontra baliatu daitekeela agerian geratu da, gure eskubideak urratzen", salatu dute Talkako kideek, eta polizia "segurtasun pribatu gisa, enpresari eta espekulatzaileen alde" erabiltzea salatu dute
Kazerolada hasi duten auzokideei eskerrak eman dizkiete: "Auzoak bakarrik salba dezake auzoa".
Iluntzean Talka inguruan zeuden herritarren aurka oldartu da polizia. Hainbat pertsona identifikatu, auzokide bat erretenitu eta bi emakume feminista atxilotu dituzte, gutxienez.#Urtarantalkaseratuvietnam pic.twitter.com/dxt2yTayzu
— Zigor Oleaga (@zoleaga1) May 8, 2020
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]