Erreportaje batean jaso ditu Etxebizitza Sindikatuak azken urteko jardunean oinarritutako esperientzia, testigantza eta analisi esanguratsuenak.
Azken urteko jardun sindikalaren esperientziatik ateratako ondorioak biltzen dituen ikus-entzunezkoa egin du Gasteizko Etxebizitza Sindikatuak: Miseria kudeatzen: Alokabide vivienda social-antiproletaria jarri diote izena egindako ikerketari.
Aldabe Gizarte Etxeko areto nagusian aurkeztuko dute publikoki bideoa otsailaren 18an, arratsaldeko 19:00etan. Aurkezpen saioan egileek azalpenak emango dituzte eta tertuliarako tartea ere izango da. Elebiduna izango da solasaldia eta euskarazko atal guztiek itzulpena izango dute.
"Asko izan dira Alokabideren etxeetan bizi eta mota askotako arazoak izan dituzten pertsonak", azaldu dute, "eta horietatik beste hainbat Etxebizitza Sindikatuarekin antolatzea erabaki dutenak". Antolakuntza esperientzia horretatik hainbat testigantza eta analisi egin dituzte eta erreportaje eran plazaratzea erabaki dute. Analisiaren ondorioa argia dela deritzote: "Alokabideren etxebizitza soziala ez da proletalgoaren beharrei efektiboki eta era iraunkor batean erantzuteko bitartekoa, proletalgoak estrukturalki bizi duen miseria kudeatzeko tresna publikoa baizik".
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]
Iruñerriko Etxebizitza Sindikatu Sozialistak eta Harituk Iruñeko Udalak etxegabeentzat eskaintzen dituen baliabideak kritikatu dituzte: "Ogi apurrak dira", adierazi du Martin Zamarbide Harituko kideak. Behin behineko zenbait "aukera" ematen... [+]
Bizitegi molde kooperatiboak zabalduz doaz Ipar Euskal Herrian. Euskal Hirigune Elkargoko azken biltzar nagusian Nicole Etxamendi, Itsasuko hautetsiak "Bizi lagun" kooperatibak kontutan hartu behar zirela eta alternatiba ona direla azpimarratu zuen.
Lanbideren Etxebizitzarako Prestazio Osagarria eta gizarte-zerbitzuen Larrieldietarako Laguntzak desagerrarazi ditu Etxebizitzaren Lege berria garatu duen Dekretuak.