ARGIA.eus

2020ko apirilaren 08a

'Gara'k salatu du EITBk zentsuratu egin diola "El desarme, la vía vasca" liburuaren publizitatea

  • EITB irrati telebista kate publikoak Txalaparta, Gara eta Mediabaskek osatutako argitaletxe taldeari eskatu dio esaldi bat kendu dezala bere liburu baten publizitatetik. Luhusuko operazioa puntu gorena izan zuen ETAren desarme operazioaz Iñaki Egañak beste hedabide horietako zenbait kazetarirekin elkarlanean idatzitako "El desarme, la vía vasca" promozionatzeko Txalapartak bidalitako kuña baten edukian datza gakoa.

ARGIA @argia
2018ko otsailaren 26a

Asteotan editoreek liburua sustatzeko abian daukaten kanpainaren barruan nahi du EITBko irratiek iragararkia eskaini dezaten, ordainduta. Naiz-Garak gaur zabaldu duenez, EITBko zerbitzu juridikoek jakinarazi diote iragarkia ez dutela bere horretan eskainiko, enpresa publikoaren Administrazio Kontseiluaren araudiak ez duelako onartzen iragarkiek eramatea honek daramatzan bezalako eduki politikoak, eta plazaratzekotan kendu beharra daukala esaldi zehatz hau: " ... el desarme de una organización militar con la ayuda de la sociedad civil frente a las posiciones más inmovilistas" [erakunde militarraren armagabetzea gizarte zibilaren laguntzarekin posiziorik inmobilisten aurrean]. Gainera, EITBk berak bidali omen dio Garari esaldi hori zentsuratuta prestatutako iragarki berriaren proposamena.

Arratsaldeko lehen orduetan oraindik ez zen ezagutzen EITBren erantzunik Garak zabaldutako zentsura salaketari.

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Adierazpen askatasuna

Adierazpen askatasuna kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Eguneraketa berriak daude