Joan den astean argitara atera zenaren kontrara, Espainiako Justizia ministro Alberto Ruiz Gallardonek adierazi du fetuan “minusbaliotasunen” bat agertzea ez dela abortatzeko arrazoi legaltzat onartuko.
Gallardonek adierazi berri du “emakumeari kalte hipotetikoak eragin diezazkiokeenean” baino ez dela aztertuko fetuaren malformazioa abortatzeko arrazoi gisa. Baieztapen horren bidez, ukatu egin du joan den astean argitaratu zen albistea: Espainiako Gobernuak abortuaren legearen aurreproiektua “leunduko” zuela.
Espainiako Justizia ministroaren esanetan, “minusbaliotasuna ez da pertsona bati eskubideak kentzeko nahikoa arrazoi, ez jaio aurretik ezta jaio ondoren ere”. Gaineratu du inoiz ez direla "lehen eta bigarren mailako herritarrak" ezarriko.
Malformazioaren kasua abortatzeko legezko arrazoietatik kanpo utzita, abortatzeak bi kasutan baino ez du ekarriko zigor penalik; emakumea bortxatua izatean edo haren osasun psikologikoa arriskuan dagoenean.
“Malformazioa” eta “minusbaliotasuna” bereizten
Gallardonek “malformazioa” eta “minusbaliotasunaren” arteko bereizketa egin du beste behin. Izan ere, iazko maiatzean Espainiako Senatuan adierazi zuen “malformazio larriak” abortatzeko arrazoi izan zitezkeela, baina “minusbaliotasunak” ez. Ministroak ordea, ez zuen zehaztu zer ulertzen zuen malformazio larritzat eta zer minusbaliotasuntzat.
Azken adierazpenekin, ministroak argitu gabe utzi du legeak zein irizpide jarraituko duen fetuaren malformazioa eta minusbaliotasun kasuak bereizterako orduan.
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".