Galdakaok gaztetxe berria du

  • Larunbatean jabetu ziren gaztetxea bilakatu duten espazioaz. Okupazioa gauzatu duten asteburu berean jasandako jazarpen polizialaren berri eman dute astelehenean.

ARGIA @argia
2019ko maiatzaren 07a
(Argazkia: Jon Gomez Garai)

Ortuondo gaztetxearen eraisketaz geroztik ez dute izan gaztetxerik Galdakaon. Autogestionatutako espazio baten beharraz jabetuta, eztabaida eta dinamiketan jardun dute azkenaldian, eta prozesuak gaztetxe berria okupatzera eraman ditu. Zapatuan, gazte egunaren ospakizunaren baitan, gaztetxea okupatzeko pausua eman zuten.

Gazte egunean bertan hasi ziren poliziaren jazarpena pairatzen. Prentsaurrekoan azaldu dutenez, larunbat gauean Galdakaoko Udaltzaingoa gerturatu zen, kideetako bat identifikatu nahirik. Hauen ostean, ertzainak etorri ziren espazioaren jabearekin, baina tarte batez “ateak begiratzen” jardun ostean alde egin zuten. Igande goizean, baina, bueltatu egin ziren ertzainak, jabeak salaketa jarri zuela jakinaraziz eta kide bat identifikatu zedin eskatuz. Inor identifikatzea lortu ez bazuten ere, arratsaldean berriz gerturatu ziren espaziora, bertan ziren guztiak identifikatzeko agindua zutela esanez. Gaztetxeko kideek jakinarazitakoaren arabera, ez zuten inor identifikatu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Gaztetxeak  |  Okupazioa  |  Galdakao

Gaztetxeak kanaletik interesatuko zaizu...
Azkenak
EGILEA
Eguneraketa berriak daude