Funts putreen kontra bat egin dute alderdiek Nafarroako Parlamentuan

  • Funts putreen alokairu gorakadarengatik kalean geratu daitezkeen 392 familiekin elkartasuna erakusteaz gain, egungo egoera, bere garaian UPNk martxan jarritako politiken ondorio direla salatu dute Geroa Baik, EH Bilduk eta Ahal Duguk. Legedi berria beharrezkoa dela azpimarratu dute, etxebizitza babestua bermatu dadin.

Euskalerria irratia @fm983irratia
2020ko otsailaren 18a
Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.
Argazkia: Pamplona actual

Marisa de Simon Izquierda-Ezkerrako bozeramaileak, esan du "funts putreek" "negozioa egin" nahi dutela "jendearen beharrekin". Ahal Duguko Ainhoa Aznarezek esan du harremanetan daudela familiekin, euren alderdi politikoan "oso kezkatuta" daudelako gai horrekin, eta kaltetuekin partekatu nahi izan dutelako "haserrea". "Etxea kentzen dizutenean, ez duzu bizitzarik", adierazi du Aznarezek, eta UPNko gobernuen itunak gaitzetsi ditu, babes ofizialeko etxebizitzak eraikitzeko "sustatzaile handiekin", nahiz eta gero "urteak pasatzen diren eta merkatuei eta batez ere funts putreei saltzeko bidea libre ematen den".

EH Bilduko Bakartxo Ruizek, Jose Maria Aierdi, Lurralde Antolamendu, Etxebizitza, Paisaia eta Proiektu Estrategikoetako kontseilariaren premiazko agerraldia eskatu duela iragarri ostean, familia horiek "kalean geratzeko arrisku larrian" daudela azpimarratu du. Ruizek "lotsagarritzat" jo du babes ofizialeko etxebizitzak "funts putreen esku" uztea, eta Nafarroako Gobernuari eskatu dio pertsona horiei "etxebizitza duin bat" bermatzeko, egungo alokairua diruz lagunduz edo beste etxebizitza batzuetarako sarbidea erraztuz, "Ahalik eta eperik laburrenean".

Uxue Barkos Geroa Baiko bozeramailearen ustez, "Agerikoa" da aurreko legealdian eta gaur egun etxebizitza politikan egindako aldaketa, "UPNren gobernu lan egiteko moduari buelta ematen" saiatu baita. Barkosek azaldu duenez, Aierdi kontseilariaTesta Residencial enpresarekin negoziatzen ari da alokairuak mantentzea laguntza publikoak prestatzen ari diren bitartean, eta esan du, era berean, oso aurreratuta dagoela arau-aldaketa bat alokairu babestuko maizterrentzako diru-laguntzak babes ofizialeko etxebizitzen hogei urteko indarralditik harago zabaldu ahal izateko.

Albiste hau Euskalerria irratiak argitaratu du eta Creative Commons BY-SA 3.0 lizentziari esker ekarri dugu.

Etxebizitza eskubidea kanaletik interesatuko zaizu...
Azkenak
EGILEA
Eguneraketa berriak daude