Vocento taldeko egunkariek eman dute berria larunbat honetan, Frantziako Gobernuaren iturrietan oinarrituta. Ondoren Bakearen Artisauen taldeko Txetx Etxeberrik baietsi du albistea Radio Euskadin egindako adierazpenetan.
Etxeberriren esanetan albistea ez da berria eta azpimarratu du artisauek horixe bera ziotela beren azken agirian. Orduko agirian esaten zen, Frantziako Gobernuak ez zuela ikusten eragozpenik euskal presoak hurbiltzen hasteko, eta zegokionean ekingo ziola zeregin horri. Orain Vocentoko egunkariek mugimenduak aste batzuetan hasiko direla zehaztu dute.
Etxeberriren esanetan, preso batzuek dagoeneko eskatua dute aspaldi hurbilketa hori, Frantziako Gobernuak onartuak ditu eskaerak eta horiek izango dira lehenak. Artisauak, hala ere, ez du presoen izenik eman nahi izan. Mont de Marsan eta Lannemezango espetxeetara hurbilduko omen dituzte. EPPK-k, halaber, aspalditik eskatu du bereziki zaindutako presoen erregimena –DPS deiturikoa– bertan behera uztea eta, Etxeberriren esanetan, erregimen honi ere amaiera emango dio Frantziako Gobernuak.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.