Falangeak Hala Bediri egindako mehatxuak "adierazpen askatasun" ekintzatzat jo ditu auzitegi batek

  • Hilabeteetako jazarpenaren ostean, Falange Vasconavarraren sare sozialetako kontua salatu zuen Hala Bedik. Gasteizko laugarren instrukzio-epaitegiak emandako erantzunaren arabera, mehatxuok ez dituzte “adierazpen askatasunaren mugak gainditzen”.


2018ko irailaren 20an - 10:48
Hala Bediko egoitza, pintaketekin (Argazkia: Hala Bedi)

2017-2018 ikasturtean Gasteizko herri mugimenduko hainbat kolektibo erasotzeari ekin zion Falange Vasconavarrak, eraso ekintzen ostean hauen egiletza beregain hartuz, @tussuria erabiltzaile izenaz irekitako twitter kontu baten bidez (kontua ezabatuta dago egun). Besteak beste, Falangearen ikurra ageri eta “Victor Lainez presente” zioten pintaketak egin zituzten Hala Bedi, Alternatiba, Jimmi Jazz edo Martxoak 3 Elkartearen egoitzetan. Pintaketak egiten hilabete batzuk eman ostean, sare sozial bidez jarraitu zuten mehatxuak egiten.

Jazarpena Gasteizko epaitegietan salatzea erabaki zuen Hala Bedik. Hilabete batzuen buruan jasotako erantzunak, baina, Gasteizko laugarren instrukzio-epaitegiak mehatxuok adierazpen askatasunaren mugak gainditzen dituenik ikusten ez duela dio. Epaitegiaren arabera, Falange Vasconavarraren txioetan Hala Bediren egoitzaren helbidea ematen bada ere, hauetan ez da ageriko egiten egoitzaren kontra “kalteak eragitera dei espliziturik”. Horretaz gaiz, epaiak dioenez “ez da posible izan salatutako kalteen ustezko egiletza argitzerik”, eta instruktoreari “ez zaizkio egiletza hori ezagutzera heltzea ahalbidetu dezaketen ikerketa bideak adierazten”.


Kanal honetatik interesatuko zaizu: Faxismoa
Cuelgamuroseko indusketetan eskuin muturraren presio eta sabotaiak salatu dituzte auzitegi-medikuek

Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]


2024-03-28 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Erorikoen monumentua eraistea eskatu dute Iruñean

Memoria historikoaren aldeko hemeretzi eragilek bat egin dute, Askatasunaren Plazako eraikina eraisteko eskatzeko. “Ezinezkoa da frankismoaren monumentu honi nortasun berri bat ematea”, azaldu dute.


2024-02-09 | Gedar
Isuna jarri diote Barakaldoko lagun bati, faxista bati aurre egitea egotzita

Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.


Manifestazio jendetsu batekin oroitu dute Aitor Zabaleta

Ehunka lagun elkartu ziren ostiralean Aitor Zabaletaren omenez Bultzadak eta bestelako talde antifaxistek antolatu zuten manifestazioan. 25 urte bete berri dira ultraeskuindar batek Aitor Zabaleta realzalea hil zuenetik, eta hura gogoan, 19:00etan Bulebarretik abiatu zen... [+]


Eguneraketa berriak daude