“Ezkerreko independentismoak herrigintzan egin dezakeen ekarpenaz” tailerra larunbatean Durangon
"Ezkerreko independentismoak herrigintzan egin dezakeen ekarpenaz jarduteko plaza irekia". Horrela definitu dute Plaza Hutsa izeneko tailerra. Urtarrilaren 12an egingo dute Durangoko Landakon, goizean 10:00etan hasita. Ezkerreko independentistei zuzenduta dago. Izena eman behar da parte hartzeko.
aurre egingo dieten hedabide independenteak
10:00etan hasiko da saioa, beraz, 09:30etarako bertaratzeko eskatu diete parte-hartzaileei. Sare sozialetan zabaldu dutenez 200 lagunek eman dute izena oraingoz.
Webgunean gogoetarako artikuluak eta bideoak zintzilikatzen ari dira. Larunbateko saioari dagokionez, eguneko programan irakur daitekeenez, ondorengoa da egitaraua:
Sarrera [10:00-10:10]
Plenarioan Saioaren kokapena eta metodologiaren aurkezpena.
1. Zatia [10:10-10:50] Plenarioan
Euskalerrigintzaz bi hitz: Nondik gatoz herrigintzari dagokionez? Non aurkitzen da Euskal Herria? Nolako herrigintza behar dugu? Zein izan behar da ezkerreko independentismoaren ekarpena fase politiko honetan?
2. Zatia [11:00-13:00] Lan-taldeetan
Espazio irekia metodologiaz baliatuz sei talde osatuko dira:
- Esku-hartze komunitarioa: Zeintzuk dira tokiko herrigintzaren aukerak hemen eta orain? Zein esku-hartze eredu eskatzen du horrek? Zer da udalgintza eredu berritzaile bat? Zer nolako inteligentzia estrategikoa behar dugu? Zer nolako saretze mota nazio mailan? Transform sarearen jardunaldiak Euskal Herrian, udalgintza ereduaren berrikuspena, eta honek eskatzen duen arkitektura nazionala eztabaidagai.
- Hezkuntza: Inposatuak zaizkigun hezkuntza sistemen porrota letra larritan nabarmentzeko momentua da. Hezkuntza eredu propioa gorpuztea premiazkoa da. Gaur hezkuntzan bizi ditugun arazo zehatzak erdigunean jarrita, etorkizuneko hezkuntza sistema publiko eta burujaberako herriestrategia adosteko premia dugu. Ezkerreko independentismoak gogoeta estrategikoa berrizteko garaia du.
- Feminismoa: Zer ekarpen egiten dio feminismoak Euskal Herriaren burujabetza prozesuari? Eta zer ekarpen burujabetza prozesuak feminismoari? Euskal feminismoak badu agenda datozen hilabeteetarako: Emakumeen mundu martxa, martxoaren 8a, Jardunaldi feministak... nola ekarri hau guztia gure praktika politikoaren erdigunera?
- Euskara: Euskalduntze fasearen agorpena bizi dugu eta euskararen etorkizuna ez dago bermatuta. Bigarren euskalduntze fase bat behar du euskarak, ibilbide estrategiko berri bat. Momentua hau oso berezia da. Aktibazio soziala antzematen da (Euskaraldia, Korrika) baina hortaz haratago, zer nolako herri-bulkada behar du euskarak? Euskarari dagokionez ere ezkerreko independentismoak gogoeta estrategikoa berrizteko garaia du.
- Euskal imajinarioa: Abertzaletasunak eraiki duen herri-imajinarioaren lausotze bat antzematen da. Euskal Herria bilduko duen ezein proiektu politikok ezinbestekoa du euskal komunitatearekiko pertenentzia sentimendu indartsu bat, komunikazio eta elkartasun espazio bat eraikitzea. Nondik eta nola eragin? Ba al dago epe motzean ekimen berritzailerik proposatzerik?
- Besterik: Proposatzen diren gaiez gain aukera izango da besterik mahaigaineratzeko.
3. Zatia [13:00-13:40] Plenarioan
Lan-talde bakoitzak bere hausnarketen berri emango du bost minutuko azalpen baten bidez.
Itxiera [13:40-14:00]
Datorren urtean Plaza Hutsak izango duen dinamikaren aurkezpena.
Aurrez, Plentziak, Alkizak eta Gernikak euskal errepublikaren parte izatea erabaki zuten. Baztanekin, dagoeneko Euskal Herriko lau herriek hartu dute erabakia.
Milaka pertsona batu ziren larunbatean Bilbon, Euskal Herri libre eta burujabea eraikitzeko aldarrikatzeko. Ikurrinez eta Nafarroako banderez bete zuten Autonomia kalea arratsaldeko mobilizazioan.
Independentziaren aldeko ekimenak aurrera eramateko baliabide faltagatik "itzaliko" da. Aurretik, Euskal Herri osoko 101 udaletan independentzia mozioak erregistratuko dituztela iragarri dute, euskal errepublikaren aldeko prozesuan urratsak egiteko. Baliabide faltaz... [+]
Kirola eta aldarrikapena uztartuz, maiatzaren 24an Bilbo gazteria independentistaz beteko da. Lasterketa honen bitartez, Euskal Herriaren askatasunaren aldeko balioei lekua egin nahi diote gazteek, independentziarako bidean daudela erakutsiz.
“Independentziara egin beharreko bideaz” hausnartzea da helburu nagusia. Apirilaren 20an, Aberri Egunarekin batera, Berriozarren ospatuko duten Gazteon Eskutik jardunaldia izango dute azken geltoki.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Dakigunez, Hego Euskal Herriko Independentismo Instituzionalak ibilbide-orri jakin bati ekin dio. Espainiako Estatuarekin itun berri bat sinatzea. Bide horrek zenbait aldagai ala premisa nagusi erabiltzen ditu. Hala nola: PSOE ezkerreko alderdia da; Espainiako Estatua... [+]
Euskal Burujabetzaren Barometroaren seigarren neurketa aurkeztu dute asteartean Donostian. Euskal Herriarekiko atxikimendua da nagusi oro har, baina Nafarroan Nafarroarekikoa gailentzen da. Euskara ez dago euskal sentimendua azaltzeko gako nagusien artean, baina gaztelera eta... [+]
Xabier Zabaltza Perez-Nievas historialaria, idazlea eta EHUko irakasleak 'Euskal Herria heterodoxiatik' izeneko liburua plazaratu berri du. Bertan dio Euskal Herria ezinbestean euskara eta euskal kulturaren bidez eraiki behar dela eta horretarako funtsezkoa dela euskara... [+]
“Inoizko [EAEko] parlamenturik abertzaleena” vs. “Independentismoa minimo historikoetan dago”. Bi baieztapen horiek azken aldian entzuten ditugu, eta areagotu dira Araba, Bizkaia eta Gipuzkoan apirilaren 21ean izandako hauteskundeen ondotik. Bi esaldi... [+]
Tristeziaz hartu du Atarrabiako alkateak Nafarroako Justizia Epaitegi Nagusiaren epaia. Euskal Herriko armarria ezabatu beharko du herriko frontoiko hormatik. “Bere garaian ikurriña kentzera behartu ziguten bezala” adierazi du Euskalerria Irratian Mikel... [+]
Otsailaren 17an ezkerreko 170 emakume feminista subiranista elkartu dira Oreretako Lekuona aretoan, 2023ko sei gertakari aztertu eta Talaia Feministaren behin betiko txostena adosteko. Euskal Herriko trantsizio feministarako proposamenak egiteko lehen pausotzat jo dute dosierra... [+]
Euskal Herriaren eta Kataluniaren independentzia aztergai da atzerrian. Nevadako Unibertsitateak, Renon, Ameriketako Estatu Batuetan, liburu mamitsua argitaratu berri du, ingelesez, Pro-independence movements in the Basque Country and Catalunya [Independentziaren aldeko... [+]