Melillako hesia salto eginda Espainian sartu ziren 490 lagun. Alanbre arantzadunez jositako hesiak buru, oin eta eskuak zauritu zizkien. Eldiario.es-en gazte hauetako batekin hitz egin dute: Daouda. Duela sei hilabete ihes egin zuen sorterritik, gosea eta miseria atzean utzi nahirik.
Daoudaren urratutako besoaren argazkiak zeresan handia eman du. Alanbre arantzadunez beteriko hesiaren eztabaida mahai gainean jarri da berriro ere, nahiz eta barne ministroak adierazi “segurua eta ez erasokorra” dela.
Burkina-Fasoko gaztea alanbre-hesia gainditzeko prest zegoen, nahiz eta ahalegina arriskutsua izan. Lau metro eskalatuta zituela, irrist egin eta besoa alanbre arantzadunean katigatu zitzaion. “Hesia gainditu nuen, ez nuen minik sentitzen. Hesiak eragindako zauriekin ezin nintzen mendira itzuli, itzuliko banintz hil egingo nintzateke”.
Gorputza zauriz betea izan arren, zorionekoa sentitzen da. Lehenengo ahalegina zuen hesia gainditzen. “Beste kide askok urteak behar izan dituzte hona iristeko. Askotan kanporatu dituzte. Ni behin saiatu naiz eta hemen nago”.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]