Ez Nafarroaren Eguna, ez Eusko Eguna, ez Sarako Biltzarra...
Ipar Euskal Herriko Hitza-k aditzera eman duenez, koronabirusak bazterrak inarrosi ditu munduan barrena, baita gure mundu tipia ere: Nafarroaren Eguna, Eusko Eguna eta Sarako Biltzarra bertan behera utzi dituzte antolatzaileek, besteak beste. Herri Urrats ospakizuna izanen denentz datozen egunetan erabakiko dute antolatzaileek.
Basaizeako arduradun Maider Lurok Nafarroaren Egunik ez dela izanen eman du aditzera, etsiturik. Aurtengo Nafarroaren Eguna apirilaren 26an egitekoa zen, Baigorriko besta nagusia.
Eusko Eguna apirileko lehen astebururako zegoen iragarria Ezpeletan. Euskal Moneta elkarteko kideek bertan behera utzi dute hau ere: “Ez da izanen 2020an, eta ez dugu gibelatuko”, jakinarazi du Regis Eneriz elkarteko langileak. “Hurrengo edizioa 2021ean izanen da. Konplikatua zen atzematea beste data bat”.
Biarritz Culturek antolatutako Bi Harriz Lau Xori jaialdia ere ez da ospatuko. Bi Harriz Lau Xori jaialdiaz gain, publiko gaztearentzat finkatuak zituzten beste bi ikuskizun ezeztatu dituzte.
Sara, Biltzarrik gabe
Pazkoz egiten da liburu eta disko Sarako Biltzarra azoka ere ezeztatua izan da. Irailean antolatzea aztertzen ari dira. Urte berezia behar zuen izan, lehen aldikoz, antolatzaileen asmoa haur literatura azoka berria sortzea baitzen: “Datorren urtean antolatuko dugu, eta hirugarren egun bat gehituko diogu”.
40 taldeen artetik garaile atera da Muga Zero punk-rock taldea.
Ipar Euskal Herriko ikastolen aldeko festak “aukerak ireki” nahi dizkie euskal musikagileei. Urtarrilaren 3an amaituko da izena emateko epea, eta otsailean iragarriko dute irabazlea. Saria maiatzaren 12an Herri Urratsen zuzenean jotzea izango.
"Ekaitz erauntsiak Herri Urratsen 40. urteurrena ospatzeko geneukan ametsa zapuztu du. Besta bere handitasun osoan ezin ospatze horrek milaka euroko galera ekonomikoa ekarri dio Seaskari; hori dela-eta, deialdi zabal bat egiten diogu euskal jendarte osoari".
Igande honetan, maiatzak 14, urtero bezala Ipar Euskal Herriko ikastolen Herri Urrats festa ospatuko da Senpereko lakuaren inguruan. Aurten, Ilargikoop ikasle kooperatibak bere txoko propioa izango du Xiberoa gunean. Elkartenetekin batera egun osorako egitaraua antolatu dute:... [+]