ARGIA.eus

2020ko abuztuaren 05a

Ez dute maite, nahi baizik

  • Hizkuntzak aztertzen ditugunean, hainbat bitxikeri aurki dezakegu haien hitz eta esaera guztien artean. Maiz, bitxikeri horiek gogorarazten digute hitz arraro asko, gero, lagunen artean edo afari batean kontatzeko balio zaizkigunak, jakitun irudi bat emanez.

Aritz Díez
2019ko urriaren 17a

Frantsesez, “merke” hitza ez da existitzen; berriz, “pas cher” erabiltzen dute literalki ez garesti esateko, edo “bon marché”, merkatu on.

Herri-uste batek dio inuitek 500 hitz baino gehiago dauzkatela elur hitza aipatzeko. Baina azalpena ez da oso zehatza. Egiatan, inuitek egiten dutena da hitz ezberdin bakoitzarekin, azaltzea elurrak duen bezainbeste era, elurra dena den zonalde horietan.

Espainolez, hitz polisemiko ugari dago, adibidez, “blanco”. Jende askori gustatuko litzaioke zuriz janztea, berriz, seguru asko gutxiri itua izatea. Edo “capital” berba. Guztiok dakigunez, batez ere azken bolada honetan, “Barcelona es la capital” baina, aldi berean “Barcelona es capital…”.

Orduan, neure buruari esan nion: ez dute maite Katalunia, nahi baizik

Atzo, Katalunian gertatutako istiluak telebistan so egiten nituen bitartean, alderdi politiko bateko agintari bati entzun nion haiek Katalunia nahi zutela. Estatuko kate bat zenez, espainolez esan zuen esaldia, eta momentu horretan pentsatu nuen espainol hizkuntzan hainbat hitz dagoela gauza bat maite duzula esateko (amo, deseo…); alta, berak erabaki zuen “queremos” hitza.  Euskaraz, zerbait estimatzen baldin badugu, maitatu egiten dugu, eta nahi egiten dugu zerbait “hartu” nahi dugunean guretzat, gureganatu nahi dugunean, edo gure jabearen menpean nahi dugunean …

Gizon horrek, hitz konkretu hori erabili zuen momentuan, herritarren kontra poliziak emandako kolpeak ikusten ari nintzen. Orduan, neure buruari esan nion: ez dute maite Katalunia, nahi baizik.

Aritz Díez (Portugalete, Bizkaia).
Gizarte hezitzailea.
Bidali zure iritzi artikuluak iritzia@argia.eus helbide elektronikora
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Iritzia  |  Hizkuntzalaritza  |  Katalunia

Iritzia kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude