Eusko Legebiltzarrak kartzela-politika aldatzeko eskatu du, PSEk ere babestuta
EH Bilduk egindako proposamenetik abiatuta eta EAJ, PSE eta Elkarrekin Podemosen zuzenketekin, espetxe politika aldatzeko eskatu du EAEko Legebiltzarrak.
Xabi Rey presoaren heriotzaren ondorioz EH Bilduk legez besteko proposamena egin du Eusko Legebiltzarrean gaur egungo espetxe politikak eta euskal presoek jasaten dituzten egoerak salatzeko. Koalizioaren ustez, Xabi Reyk zituen bizi baldintzak ezin ziren inola ere justifikatu. Presoen giza eskubideen urraketekin bukatu behar dela gaineratu dute, bakea, bizikidetza eta “normalizazio demokratikoan bidea egiten jarraitzeko”.
Bi puntu ditu EH Bilduren proposamenak: lehenbizikoan, Legebiltzarrari posizionatzeko eskatu dio presoen urrunketa, kartzela politika eta isolamendua bezalako salbuespen neurriekin bukatzeko. Bigarrenean berriz, kartzela politika berria eskatzen da.
EAJk, Elkrrekin Podemosek eta PSEk zuzenketa bat egin diote, euskal presoek egindako kaltearen aitortza erantsiz. Zuzenketa honekin legebiltzarraren gehiengoak babestu du beste espetxe politika baten aldeko eskaria.
PSEk ekimen honekin bat egin izanak deitu du hedabide askoren arreta eta Espainiako Gobernu berriak euskal presoen aferaren inguruan izan dezakeen jarrera-aldaketari buruzko espekulazioei ateak zabaldu dizkio.
Ez da lehen aldia Eusko Legebiltzarra euskal presoen sakabanaketaren aurka posizionatzen dela.
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]