Udalerri Euskaldunen Mankomunitate UEMAk, esaterako, uste du dekretuak ez duela administrazioa “behin betiko” euskalduntzeko neurririk ekarriko.
"Aurrerapauso batzuk badakartza ere administrazio publikoa euskalduntzeko, ez da nahikoa, eta beste aukera galdu bat da euskaldunon hizkuntza eskubideak behin betiko bermatzeko hartu beharreko neurriei dagokienez”, adierazi du UEMAk euskararen dekretu berriaz.
Dekretuaren aplikazio eremua "sektore publiko osora” zabaltzea hartu du egokitzat elkarteak. “Estatuko administrazioari berari ere" neurriak eskatzeko bidea zabal daitekeela uste dute, eta mankomunitateak berak dekretuari egindako ekarpenak jasota ikusten dituzte hor.
Hautaprobak euskaraz egingo dituztela ebazteko modua emango diete erakundeei. “Egun indarrean dagoen legediaren zalantza juridikoak sortu izan dira hautaketa prozesuetan azterketetako bat euskaraz egin beharra ezarrita”
“Gehiago da orain arte egindako urratsak jasotzeko dekretua, euskarak behar duen lege babesa bermatzeko eta aurrerapausoak emateko behar dugun dekretua baino”, adierazi du mankomunitateko lehendakari Martin Aramendik.
Dekretuarekin euskara jakintza egiaztatzeko moduak ugaritu egingo dira, eta horren inguruko kezka agertu du UEMAk. “Euskaraz lan egiteko gai ez den jende asko lanpostuetara sartzeko zirrikitu handia uzten du dekretuak, nabarmen”.
Herribiltza taldeak joan den ostiralerako egindako deialdian, Baionako suprefeturaren hormetan egin zuten tindaketa bost lagunek. Horien artean zegoen Gorka Torre; bera atxikita eduki du poliziak 24 orduz, eta irailean epaituko dute.
Nastat-ek, Nafarroako Estatistika Institutuak, 2022an egindako ikerketa lanaren emaitzak argitaratu ditu. Euskaldunen proportzioa %15,1ekoa da, euskaldun hartzaileena %11,6koa eta ez-euskaldunena % 73,3koa. Hogei udalerritan euskaldunen proportzioa %80tik gorakoa da.
Ehunka herritarrek hartu dute parte Aldatu Gidoiak deitutako manifestazioarekin, larunbat arratsaldean. Kulturan eta ikus-entzunezkoetan euskararen aldeko politikak eta bitartekoak exijitu dituzte. Kulturako eta euskalgintza hainbat kidek hartu dute hitza amaierako ekitaldian.
2023ko otsailean EAEko Justizia Auzitegi Nagusiak balio gabe utzi zuen Uliazpi Fundazioko 34 zaintzaileren lan deialdirako hizkuntz eskakizuna. Fundazioko langile batzordeak eta Foru Aldundiak sententzia salatu zuten. Euskalgintzaren Kontseiluak adierazi du oldarraldi judizialak... [+]